媽咪姐

呢啲咪專業囉!

Ads by Google

周一( 6日)晚,保良局嘅慈善活動以上海之夜做主題。咁主題嘅嘢,梗係有人跟,有人自有主張啦!不過一班明星名人始終係專業嘅,只係範疇唔同,各有目的啫。

吳千語 升呢專家

21歲嘅千語 BB,入行以嚟,唔見代表作,但 so what!佢由十幾歲開始,已經進擊「富二代」,同富貴男友同居。依家同峯少亦四處旅行 shopping,最近仲成功爭取親近何家千金,同超盈孖住玩。係咪犀利先!




當超盈戴到周身閃嘅時候,千語 BB都有大大隻鑽戒㗎。峯峯豬真大方!


除咗同超盈混熟,千語 BB仲同超蓮齊齊敷 mask, friend到呢。 向太 無敵阿媽

之前向佐被追債,向太煩到暈!不過呢晚佢成套翡翠上身,行出嚟四萬咁口,依然霸氣十足,阿嫂果然係阿嫂。

汪圓圓 專業新抱

汪圓圓前年做咗玩具大王蔡志明新抱後,火速生咗囡囡 Celine,依家又有咗 3個月嘞!睇吓貪靚嘅佢連指甲油都唔搽,梗係驚影響 BB啦。咁乖,抵奶奶同老公錫晒你!







李連杰 至尊嘉賓

睇勻全場,李連杰呢身裝束真係無得頂!一身唐裝,仲襯埋功夫鞋,完全係當年大上海嘅麻甩佬打扮。唔扮嘢, like呀!

    全站熱搜

    tvb4life 發表在 痞客邦 留言(0) 人氣()