媽咪姐

小鮮肉殺入寫真界 超蓮娜姐前度 騷肌教 keep fit

Ads by Google

踏入 7月,寫真戰士鬥到你死我活,先有𡃁模放少少相出嚟騷 quali,再出埋口術互插。以為今年只得女模騷胸露臀?其實仲有幾個城中小鮮肉靜靜起革命,出書教人 keep fit。




寫真《 G.Y.M.動起來》共 120頁,定價$120,首版印 8千本殺入書展。吖,唔知今次最愛集郵嘅劉公子會唔會掃貨呢?

4位男模合作推出寫真《 G.Y.M.動起來》!咪諗多,佢哋話呢本書係示範做 gym嘅簡易動作,同時又分享瘦身餐單。睇真啲,其中兩個男模,分別係何超蓮同周秀娜嘅前度呀。咦!唔知佢哋會唔會送番本處男寫真俾前女友呢?

娜姐前度

陳偉成( Avis) 33歲
周秀娜前男友陳偉成,食女無數,仲試過背娜姐偷嗒𡃁模。不過開設健身室嘅佢,教 keep fit又的確有板有眼,佢話︰「大家跟住做,男女都可以輕鬆練出腹肌同人魚線。」







國產名模

姚淇瀚( Henry) 22歲
寫真中除咗 3個港產男模,仲有一個強國俊男。來自北京嘅姚淇瀚,係中國當紅嘅模特兒。佢擁有 186cm身高、 38吋胸肌,加上兩邊迷人酒凹,成功突圍而出。

最強人魚線

鍾志峯( Wilson) 26歲
當年 A&F男模迷倒唔少女仔,而鍾志峯正係 5個香港代表嘅其中之一。喺英國大學畢業嘅佢,操得一身腹肌、人魚線殺入模界,拍過唔少大牌廣告。

超蓮之選

黃俊豪( Jeremy) 25歲
有港版山下智久之稱嘅黃俊豪, 09年曾經係何家千金何超蓮男友,兩個拍拖年幾後分手。年前, Jeremy簽約為鄭紹康旗下藝人,憑 183cm身高、 39吋胸肌,殺入模界,愈撈愈掂。







寫真中有唔少操 fit貼士,仲有真人示範。不過,好高難度啫。 

    全站熱搜

    tvb4life 發表在 痞客邦 留言(0) 人氣()