李光洙、劉在石同池石鎮扮女團 Orange Caramel,着住小紅帽裝出場,係就係有驚喜,但扮相嚇人咗啲囉。

出外埠

死未! RM惡搞「世界最靚」 Nana

Ads by Google

上周五( 3日) Running Man首次人齊開騷,揀咗香港作為巡迴首站,仲要同上次嘅見面會只係相隔 10個月,咁快又嚟真係俾面呀!

為令大家有新鮮感,練埋廣東歌同重新排舞,睇得出成員真係好愛香港。但要數最爆嘅演出,非劉在石、李光洙同池石鎮惡搞女團 Orange Caramel莫屬。佢哋跟足人哋以小紅帽配長波襪唱〈 Aing〉!之但係 Orange Caramel成員之一 Nana,話晒喺 2014年俾美國電影網站 TC Candler選為「世界第一靚」,俾李光洙搞成咁,好難唔崩潰。對比之下媽咪姐見到光洙,真係幾飽吓!




女團 Orange Caramel出道 5年,最愛以童話故事打扮做賣點,喺 2010年唱〈 Aing〉,就化身小紅帽。


Nana緋聞男友洪宗玄都嚟咗香港開簽名會,唔知見到李光洙惡搞女友,有乜反應呢?


擁抱智孝金鐘國當 Gary冇到,攬實智孝 BB同粉絲 say hi,睇嚟佢哋真係好 friend。


幫女拎袋劉在石見粉絲拎埋手袋上台,一直幫對方孭住。仲話台上嘅人「信唔過」。


到劉在石落場玩遊戲,佢就將個手袋交俾金鐘國,又吩咐佢睇實啲。 

    全站熱搜

    tvb4life 發表在 痞客邦 留言(0) 人氣()