早知等多幾日先買啦!(設計對白)

滾熱辣

港股大冧  3400萬買紅山半島 阿 Sa一周唔見 200萬

Ads by Google

 

今個禮拜相信冇人笑得出,受希臘公投影響,加上中央盲目救市,觸發股民恐慌性拋售,令本周港股血流成河。股災陰霾下,樓市亦難逃厄運,據一樓宇經紀透露,近日不少豪宅業主,放盤時自動下調價格,實行要錢唔要樓。
股市樓市興旺時,唔少藝人都喜愛買磚頭保值。繼陳偉霆在五月豪擲 2,700萬買入北角豪宅柏傲山後,本刊收到消息,蔡卓妍(阿 Sa)剛上周五( 3日)亦以 3,400萬購入紅山半島一個 2,000多呎向海單位自住。可惜買入短短一周,帳面已累跌近 200萬,認真揼心!


陳偉霆出碟拍戲密密賺


明星身家大縮水


細價股暴瀉 莊思輸身家

出道至今,阿 Sa與母親一直喜買磚頭投資,十年來已購入五個港島豪宅單位。雖然手揸多個物業,但阿 Sa多年來卻一直租住港島區薄扶林。直至四年前與陳偉霆拍拖後,阿 Sa才「嫁雞隨雞」,搬往與男友只有五分鐘車程的九龍塘 Maravilla寓所。
五月中,陳偉霆豪擲 2,700萬購入北角柏傲山後,已有多年冇入市的阿 Sa,認為港島區物業依舊有升值潛力,因此在一個月前便開始四出睇樓。




尊貴地段92年建成的紅山半島坐落南區貴價地段,屬低密度住宅,屋苑分為分層大廈及獨立洋房兩種。


向海千呎單位在紅山半島中,每戶都能享有面向大潭灣無敵海景,難怪阿 Sa情有獨鍾。 鍾情海景單位

據知,阿 Sa一直鍾情南區海景單位,最終在上周五( 3日),以 3,400萬高位買入位於大潭紅山半島 7座一個 3房向海單位。一地產經紀透露:「蔡小姐睇咗兩次呢個單位,第二次仲帶埋李丞責師傅一齊嚟,最後扑槌簽約。佢個單位客飯廳連三間房都望到全海景,不過 3,400萬算高位嚟,但佢同我&#217#21707;講睇好個樓市。」
可惜,一向眼光準繩的阿 Sa,買入單位不足一周,即遇着股市狂瀉,連帶樓價亦受影響。據知接正火棒的阿 Sa,帳面已蝕近 200萬。「蔡小姐買樓之後,咁啱同一座比佢高幾層嘅單位放盤,但開價 3,230萬,仲話有價講。其實以依家形勢,個市有機會再落,好多業主都寧願減價求售。」至於與女友「同病相憐」的陳偉霆,新購入的單位帳面亦累跌近半成,夠晒慘情!




樓花贈媽咪陳偉霆早前購入的北角柏傲山仍是樓花階段,年底便會入伙。


合拍投資磚頭陳偉霆得到女友教路,坦言一有錢就全部買晒磚頭。去年在內地走紅的他,揚言現手持五個物業。


孝順媽咪陳偉霆和阿 Sa都是孝順一族。早前陳偉霆購入$2,700萬柏傲山單位是送贈給母親的,今次阿 Sa買入的紅山半島,亦打算與 Sa媽同住。


買樓自住

雖然阿 Sa甫買樓即損手,但由於她今次購入該單位,是打算與 Sa媽自住,加上單位與男友新居距離近,所以阿 Sa沒有太多負面情緒。知情人透露:「幾日唔見二百萬,係人都揼心啦,不過阿 Sa喺內地有一定知名度,出騷價最少都幾十萬一場,應該好快賺得返嘅!而且呢個係自住樓,影響有限。」
對於阿 Sa一入市帳面即蝕 200萬,周三( 8日),經理人 Mani在電話中回應說﹕「阿 Sa係買嚟自用嘅,其實佢一直都有買樓嚟保值,因為佢本身唔買股票。我哋覺得股票跌與唔跌,未必直接反映到樓價上,所以都唔擔心嘅。」




扭轉女尊男卑陳偉霆去年爭氣憑《古劍奇譚》大師兄一角走紅,成為內地男神。早前阿 Sa被影到親身到內地探男友班,更邀請對方擔任其歌友會嘉賓。《壹週刊》圖片


股市更慘烈趙薇:比起樓市,股票損失更慘重,趙薇和范冰冰便在這場股災中,帳面分別蒸發了近 50億港元和 1億港元,絕對是天文數字!


范冰冰 擁億元物業

阿 Sa屬圈中出名小富婆,現時除了新買的紅山半島,另外還手持 5個單位,每月收租至少袋 18萬。

高位接貨藝人

除阿 Sa外,近兩個月也有不少藝人買磚頭。奈何股市受挫,樓市亦不能獨善其身,帳面難免損手,其中嘉樂仔以破頂價購入的單位最傷!

王祖藍
大埔鹿茵山莊 1,403呎
購入價: 1,880萬
市價: 1,730萬
帳面蝕: 150萬






蔡少芬
錦田爾巒 1,694呎
購入價: 2,633萬
市價: 2,510萬
帳面蝕: 123萬






劉愷威夫婦
西半山寶城大廈 2,410呎
購入價: 5,980萬
市價: 5,850萬
帳面蝕: 130萬






錢嘉樂
北角半山豐林閣 728呎
購入價: 1,280萬
市價: 1,100萬
帳面蝕: 180萬







撰文:娛樂組 
攝影:攝影組

    全站熱搜

    tvb4life 發表在 痞客邦 留言(0) 人氣()