李志彬/ 27歲/嘗過創業苦頭,回歸家庭麵店,學當守業者。

年輕有夢 

榮記香港仔牛什魚蛋粉 地址:元朗又新街 65號運興樓地下 3號鋪 電話: 3523 1883

牛雜仔:「我很感恩」

Ads by Google

亂世箴言:成功需父幹。
27歲的李志彬,生於尋常百姓家,也深明此理。
大專畢業,雄心壯志,跟朋友北上創業。客仔走數,拍檔不和,失意收場。
或是才幹未夠,或是時辰未到,或是時勢未許……
尋根問底,樣樣都有可能。
平凡兒女惟有回歸家庭粉麵小店,企檔賣牛雜麵。
「雖然唔係出身富貴家庭,但我已經覺得好好,起碼叫比上不足,比下有餘。」
世途兇險,感恩有處安身立命。

一篇參選港姐自白,讓牛雜妹李美琪登上高登及各大報章娛樂版。其實李美琪任職廣告公司,放假才幫爸爸賣牛雜麵。他哥哥李志彬,才是名副其實牛雜仔。每天下午四時多,李志彬便現身麵店,接爸爸力,主理牛雜檔,整天面對幾個熱氣騰騰的火爐,切牛腩牛雜,烹調麵粉,直踩至凌晨兩三點才收工。體形厚實,寡言沉靜的他,從不呻工作辛勞。爸爸李嘉榮說:「呢行好辛苦,好多後生仔唔肯做。佢算好乖,見我辛苦,自己都無叫辛苦。」
李志彬在內地出生,十一歲時來港跟父母團聚。當時爸爸在元朗開了「榮記香港仔牛什魚蛋粉」,已有數年,賣潮式粉麵。家庭小生意,人手有限,都要靠家人出力,他跟兩個妹妹一放假便會在店內幫手,「寫吓單,收吓錢,沖吓嘢飲。」他是哥哥,責任感特別大,「阿妹始終係女仔人家,夜要返去先,我哋就晏少少走。」




27歲仔,與牛雜為伍,李志彬只有感恩,沒有埋怨。


爸爸(前排中)辛勞半生,去年才第一次搭飛機,遊澳洲。李志彬(右一)感恩爸爸給了他最強後盾。

即便自小習慣打理麵店,但李志彬並沒有想過承傳爸爸的事業,始終想趁年輕闖世界。大專畢業,便跟三個朋友回家鄉廣東惠東創業,買賣建築材料。當時爸爸有微言,「初期我哋都唔係好贊成,返大陸做生意唔係咁易。佢見阿叔、舅父喺大陸搵得咁好,咪想上去闖吓,咁都無計,咪畀佢闖吓。」
為了做生意,李志彬遷往惠東生活,一嘗老闆的滋味,「都幾頻撲,朝早七八點要去睇啲建材材料上落貨。」在大陸做生意,誠信口齒有時是廢話,走數拖數時不時發生,「你唔畀佢押數,佢下次可能唔會再搵你,但佢唔找數,你又無資金營運。雖然有生意有錢搵,但錢一日未到你袋都唔算叫賺。」收不到錢,令拍檔間生摩擦,互相推諉,「大家會話,個客邊個搵返嚟,邊個要負責追番條數。」在惠東待了兩年,深深體會「自己一個人去闖,無好親的人喺身邊,咩都要獨力承擔。」




有了李志彬,下午時間,爸爸才可以唞唞離開牛雜檔,䟴䟴腳收錢。


早前報名選港姐的牛雜妹李美琪,是李志彬胞妹。

一年前,自覺人生經驗不足,外面世界又艱難,於是回港重整旗鼓。碰上爸爸的粉麵店請不到企檔師傅,爸爸獨力難支,着他暫時幫手,「幫幫吓,就無特別再請人,自己做番。爸爸工作時間長又辛苦,我做番可以減輕佢。」由於自小幫忙,李志彬也沒有甚麼身段要放下,「爸爸做開,好多人都見慣我過嚟幫手,都係打工啫,工作無分貴賤。」
創業難,守業也不易。店子小小,其實樣樣都是學問。炆煮牛雜牛腩,用上十多種香料,要做到入味、牛雜質感軟硬適中,就要金睛火眼控制火候。牛雜要新鮮才好吃,但新鮮牛難求,連帶新鮮牛內臟供應也少,全仗爸爸打滾江湖多年,累積人脈關係,才買得到新鮮牛雜。每個環節,李志彬都未上手,有待磨練。
李志彬願意在麵店奮鬥,珍惜家人種下的福蔭,「身邊都有朋友做生意,跟住做唔住,蝕咗錢,無辦法之下,出去打工,無屋企支持。相比之下,我已經好一啲,有屋企做後盾,已經覺得好幸運,好感恩。」




湯底用上粟米、豬骨、魚骨,夠清甜。


牛雜米粉,$33牛雜夾雜新鮮、冰鮮貨,但整體味道不錯。


淨牛腩(小),$90脂肪均勻,肉質夠軟。


魚蛋魚片手轆魚麵,$42手轆魚麵是門鱔、九棍等製成的麵條。

榮記香港仔牛什魚蛋粉
地址:元朗又新街 65號運興樓地下 3號鋪
電話: 3523 1883
營業時間: 12nn-3am

撰文:周燕
攝影:王嘉豪

    tvb4life 發表在 痞客邦 留言(0) 人氣()