男女子組鬥快瀡滑水梯,玩咗 3個回合,都係由男子組較輕磅的樂生瀡得最快,勝出!

大拼盤

暑期限定玩 水上嘉年華

Ads by Google

學生哥最期待的暑假,快到啦!暑假流流長,玩乜好?梗係玩水啦!家陣雖然冇咗水上樂園,不過最近新開了水上嘉年華,立即帶 4位小 model試玩先!

甫到場,凱琳和欣晞即「嘩嘩」聲!事關遠望到兩個色彩繽紛、約 20呎高的巨型滑水梯,分別設於 3千平方呎圓形水池及 1千平方呎供小童玩樂的水池,提供約有 20款水上遊戲,如水上滾筒、水上太空球搖搖板、氹氹轉等,睇見都興奮!男子組潤澤、樂生,唔聲唔聲,原來九秒九換好泳褲,預備跳落水,媽媽們唔使驚,水深約只有膝蓋高,好安全。一跳落水,男女子組立即分組,鬥快瀡滑水梯,睇佢哋爬上水梯一仆一碌,好搞笑!
玩咗 3個回合,欣晞喊停要唞唞,走埋一邊撐小船;好動的凱琳像小倉鼠般爬呀爬,玩水上滾筒。不到 5分鐘,男子組又 chur住玩搖搖板、氹氹轉,仲有跑來跑去的水上過三關,個個都索晒氣,他們玩足大半日才夠喉。




玩完滑水梯未夠喉,仲要玩水上過三關,鬥快越過障礙物跑到終點,鬥得你死我活。


欣晞大叫救命,唔好搖咁大力,驚反艇呀。話口未完,不夠 3秒即反。


欣晞玩到投晒降,都係行埋一邊撐船仔,唞唞!


臨走前仲玩埋氹氹轉角力賽,各人捉實扶手兼勁搖,不足半分鐘,凱琳被拋落水,場面搞笑。


凱琳一邊玩水上滾筒,仲可望鏡頭擺甫士,就知幾易玩啦。 蹦奔 FUN夏水禮

開放日期: 1/7-31/8
(會員優先試玩) 26-28/6
地點:天水圍天慈路馮家圍 30號-名樂漁莊
開放時間: 10am-6pm
收費:每位$268; 10位或以上,每位$255,大小同價,玩足全日。想獲取 10人團體優惠,請在付款頁面的「 Coupon Code」部分輸入「 Mingle Farm」。
備註: 1.需事先網上預約, 25/6開始接受網上 holimood.com.hk預約。
2.參加水上遊戲,家長必須陪同小童方可進行。
3.不准帶食物及水泡內進。

撰文:石美寶
攝影:周義安
錄像:周昭強
模特兒:吳欣晞、陳凱琳、陳潤澤、潘樂生

    全站熱搜

    tvb4life 發表在 痞客邦 留言(0) 人氣()