船有 16層樓高, 5架波音 747飛機長,泊喺碼頭好似幢屏風樓,好鬼震撼。

大拼盤

最新郵輪假期 識玩梗玩 hi-tech

Ads by Google

上周六,香港水域出現有史以來最大艘的郵輪「海洋量子號( Quantum of the Seas)」,連 FB都有人 post。有機會上船參觀,在碼頭第一眼望到她,覺得超長超高,千多間房間一字排開,好似屏風樓,更似巨無霸,好有壓迫感。

向來以為坐郵輪只啱老人家,但上到船居然發現有碰碰車、衝浪、調酒機械臂, iFly等,真係估佢唔到。 360度的觀景台更是全球獨有。歌舞演出配埋特技效果,非常震撼。平時坐飛機去旅行多,突然都有衝動想坐郵輪玩下。




360度北極星( North Star)觀景台距水平線足有 300呎高。緩緩升高有點腳仔軟,不過遠眺維港景,靚到腳軟都唔記得咗。





躺在水中,嘆杯雞尾酒,夠晒 relax。





澳洲人 Kim(左)和 Henry:已是第 3次坐郵輪。這艘船設備多,小朋友到老人家都啱玩,亦是我見過最多家庭和年輕客的郵輪。


衝浪場 FlowRider年輕人至愛。


模擬甲板跳傘的 iFly都有,估佢唔到。


海上碰碰車,又是全球首創,經常排長龍。


劇院舞台唔算大,但演員充分利用所有空間,吊高凌空做動作,難度滿分。電腦效果和聲效震撼,女主角好似站在火焰上。 6支機械臂不停旋轉移動,增加視覺效果。


其中一個客房 Owner's Loft。


新加坡人黃生:艘船係最新,亦非常大。這裏的龍蝦餐好好味,唔使下下着西裝食飯,舒服得多。


使用船上設施、購物和吃飯,全靠這條 WOW band手帶,同時亦是匙卡。


在電腦熒幕按下想喝的雞尾酒, Bionic Bar機械臂就會自動調校。配合音樂移動,像跳舞般,是船上景點之一。熒幕更顯示飲品分量和客人評語,夠貼心。


船上共有 18間餐廳,部分非常美國口味。 Info

容納: 4千多人
房間:全為雙人房,當中 2千多間為豪華包廂,逾 8成有景觀,屬同類郵輪首次。
餐廳: 18間,其中 8間收費,並與 Jamie Oliver等名廚合作。
母港:上海寶山行程: 4或 6天
費用:港幣$5,103-$15,008起/位(包括船上所有設施和免費餐飲。
但不包括咖啡、 soft drinks及酒精類飲品等費用。
Spa亦要另外收費。上海來回機票須自行購買)。
查詢: 3189 3200  http://www.royalcaribbean-hongkong.com 

撰文:馮淑玲
攝影:周芝瑩
錄像:蔡政峰

    全站熱搜

    tvb4life 發表在 痞客邦 留言(0) 人氣()