時代廣場大堂嘅中央部分,每次搞展覽都有驚喜,今次變成大腦入面七彩繽紛嘅大型記憶球吊燈,由高處影落去仲靚。

太爛玩

腦朋友玩轉銅鑼灣

Ads by Google

每年夏天好似一定要睇過卡通片先算係放暑假,今年有 Pixar嘅《玩轉腦朋友》,五個控制情感嘅調皮鬼各有性格,個個都好得意。最近佢哋就跳出大銀幕,走上銅鑼灣街頭親自謝票,喺時代廣場重現戲中場景,可以入去大腦睇吓搞邊科,仲要搵齊五個腦朋友集郵!

 




喺大腦入面,仲有好多控制其他行動嘅區域,呢兩個負責乜嘢?唔可以劇透住,入場睇完咪知囉。


戲中嘅主角,其實係左邊黃色衫嘅阿樂,負責掌管開心情緒。


《玩轉腦朋友》以人類嘅喜怒哀樂做主角,將記憶量化成為記憶球,呢個專門儲存記憶球嘅「長期記憶區」,七彩繽紛,小朋友爭住影相。


二樓大堂「腦海總部」,即係人嘅大腦,有一個控制台,喺戲中用嚟操控情感,喺呢度大家可以做番支配者,同睇 trailer。


五個「腦朋友」各有不同崗位,呢隻藍色嘅阿愁,負責傷心嘅情緒,不過一樣受小朋友歡迎。

《玩轉腦朋友》繽紛腦海世界
日期:即日起至 7月 19日
時間: 10am-10pm
地點:時代廣場露天廣場及二樓大堂

電影主角殺入商場

除咗《玩轉腦朋友》,今年仲有好多唔同嘅電影主角喺商場有搞作,好似有《迷你兵團》同《賤熊 2》, fans又要去朝聖!



66隻 Minions踩入香港
專家話人類特別覺得頭大身細、圓碌碌嘅嘢可愛,所以呢隻黃色無頸無腰嘅 Minions迷你兵團,就俘虜咗全地球。暑假期間 66隻 Minions,將進軍旺角 MOKO新世紀廣場同沙田新城市廣場。新世紀廣場有 Minions 9大場景,新城市就有超巨 TicTac扭糖機同迷你兵團 Kinder出奇蛋換領。而兩個場都同時有 Pop-up Store,俾你將迷你兵團帶返屋企。

迷你兵團千里尋「惡」之旅
日期: 7月 3日起
地點:旺角 MOKO新世紀廣場、沙田新城市廣場



1比 1賤熊公仔現身
賤熊搞怪可愛樣贏得觀眾喜愛,為咗配合《賤熊 2》上映,喺又一城開設「 Ted 2士多」限定店,除咗有過百款 Ted商品發售,大部分係獨家限量版,仲有主題場景,最注目係 1比 1賤熊公仔, fans除咗可以影相,仲可以作近距離接觸同賤熊握手!

Ted 2士多
日期: 6月 25日至 7月 25日
地點:又一城

撰文:關錦雯
攝影、攝錄:陳偉傑、陳淘鈞
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()