潘源良同女友李麗珍離離合合多次,趁住今次開騷,同珍妹示愛,又讚珍妹愈嚟愈靚。

媽咪姐

潘源良冇變過

Ads by Google

潘源良話咁快就入行 34年,依家都 55歲,搞個作品展都唔過分。其實佢自己都講笑話未死,唔係開紀念作品展,又未退休,只係想做好個騷。潘生仲請咗幾十年嚟合作過嘅徐小鳳、葉蒨文同譚詠麟做嘉賓,好有面子。

呢晚媽咪姐都有去睇,現場真係星光熠熠。之但係媽咪姐最關心都係潘源良女友李麗珍,話晒佢哋離離合合都幾次,不過呢次拍咗 7年,感情似乎幾穩定。珍妹仲去咗兩晚紅館捧男友場,潘生都好識做,對住萬二人同女友示愛:「最愛是誰嘅意思,答案喺場內。」講到咁白,真係 sweet呀!估唔到外形同感情,潘生多年嚟都冇變過喎!




1992年對比 22年前,雖然珍妹有 baby fat,但身形瘦好多。


李麗珍同男友潘源良家姐一齊坐,難怪潘生話早已當女友係一家人。不過呢幾年珍妹養尊處優,肥咗好多,個肚腩似有咗 5個月。


2005年10年前阿倫開 30周年演唱會,搵咗潘源良幫手。


阿倫同潘源良合唱〈愛情陷阱〉,睇佢哋個樣,同以前冇乜點變喎!


1986年當年小鳳姐唱〈婚紗背後〉,連 MV都着婚紗,不過已經係 29年前嘅事咯。


小鳳姐依家話自己對婚姻又愛又「恨」,想搵番個年紀差唔多嘅伴侶。嗯!有冇機會睇多次小鳳姐嘅婚紗 look呢?


1994年葉蒨文嘅〈女人的弱點〉,係潘源良廿年前嘅作品,當年呢首歌好 hit㗎!


莎莉好耐冇開金口,今次為咗潘源良出山。咦!個髮型咁似廿年前嘅? 

    全站熱搜

    tvb4life 發表在 痞客邦 留言(0) 人氣()