Happy行街雖然屋企發生好多事,但係 Jinny天生開朗,冇乜影響心情,有時間仲去行街街。

媽咪姐

吳若希上樓靠「十哥」

Ads by Google

 

「點解嘅」吳若希( Jinny)近排真係多事喇! 3月尾吳媽媽炒單車入院,仲一度昏迷,隔咗冇耐,外婆同外公又相繼過身,兩個月內失兩至親,媽咪姐都戥佢難過。但 Jinny好堅強,自從屋企有事,佢唔只冇取消工作,仲接多幾個活動,出到嚟又交戲笑晒口。搵埋咁多,睇嚟又係時候要搬屋喇!


吳若希夠硬淨


「十哥」射住吳若希升呢睇豪宅


吳若希住豪宅揸Benz之謎

媽咪姐收到風,吳若希早前去西九龍,參觀何文田豪宅天鑄嘅示範單位。當日只係招待 VIP,入得去睇嘅都非富則貴。樓盤由 3000萬起跳,吳若希上到去睇,聽聞係由身家過億嘅地產界猛人林棣權(十哥)搭路。媽咪姐呢日喺銅鑼灣見到吳若希,梗係要八吓佢係咪搵密友「十哥」買豪宅。佢無否認,只係話:「冇嘢答。」唏,既然買樓靠自己(好似係),怕乜俾人知喎!




點解嘅?點解次次都咁快俾人知嘅!(設計對白)


Jinny原本揸開價值 80萬 Range Rover,前排又換價值 40萬 Benz A250代步,真係多閒錢喇!


Jinny暫時仲係住喺何文田豪宅君頤峰,唔知 Jinny遲啲會搬去邊呢?


「十哥」同唔少圈中人好 friend,有時去睇首映,捧朋友場㖭!


準港姐麥明詩都有「十哥」做靠山,事關麥爸爸任職聖公會林護中學副校長,同校董「十哥」有交情囉。 愈住愈豪


君頤峰

吳若希入行 5年,自認唔使靠人「養」,自己都儲到錢買樓。依家仲係租屋嘅佢,愈住愈富貴,果然財來自有方喎!
媽咪姐記性好,記得 10歲由大陸來港嘅 Jinny原本喺荃灣長大,寄住喺外婆公屋。入行後就搬離公屋,租住土瓜灣翔龍灣月租約 1萬 5千蚊嘅單位。上年底,忽然「升呢」搬去何文田君頤峰獨居,呢度最細單位月租約 4萬。依家仲去睇新樓,幾有米呢!

 

    全站熱搜

    tvb4life 發表在 痞客邦 留言(0) 人氣()