博出位

糉有你份

Ads by Google

上周六( 20日)係端午節,雖然黃曉明同 Baby兩公婆都要開工,不過都有喺網上改圖,連李冰冰都自 post陳年「扮糉相」,一齊𠱁吓 fans。至於李嘉欣同胡杏兒,就借過節晒幸福,驚死你唔知。

黃曉明 搶糉食

為了宣傳新片《橫衝直撞好萊塢》,黃曉明惡搞電影海報,搞到黃曉明好似同趙薇、佟大為一齊為咗爭糉食撞埋玻璃。佢仲呻自己冇甜糉食。 Baby,收到未?

Baby 扒龍舟

Baby出席活動,老公黃曉明又要拍片, Baby只好改圖扮扒龍舟,又叫黃曉明同佢一齊加油。

李嘉欣 收禮物

大美人 6月 20日生日,撞正端午,佢老公許晉亨送咗一部粉紅色 iPhone俾佢,不過就由阿仔 Jayden包禮物同送心意卡。雖然禮物包得麻麻,不過夫慈子孝,李嘉欣梗收貨啦。







李冰冰 扮大糉

內地女星衣着品味屢被質疑。李冰冰都笑自己,當年為了見報,都拍過「扮糉」的照片,認真有幽默感。

胡杏兒 撐枱腳

今年是杏兒首個與男友過的端午,廚藝麻麻嘅杏兒雖然買外賣火鍋,不過兩個人撐枱腳過節,夠晒 sweet啦。






    全站熱搜

    tvb4life 發表在 痞客邦 留言(0) 人氣()