靚抽王

藝人偽專業配搭

Ads by Google

近日有片段流出,片段入面一位操普通話女士喺香港搭的士巧遇方大同,方大同仲叫佢攬安全帶㖭!有網民指方先生此舉係博宣傳,亦有人話喺香港搞音樂難撈,要揸的士幫補。點都好,如果真係咁難撈,做吓其他嘢都無妨喎!於是我哋製作咗以下遊戲,等大家估一估邊個藝人適合邊份工啦:(答案放喺底,玩完自己睇)

1.真.的士司機

此的士司機比方大同更早出現,早年曾唱出大熱歌曲〈 Taxi〉。此人樣貌不差,但係被網民認為做乜都有多少( 8-1)味,所以有「的士×」之名,更被情敵寸佢「而我不知道×××是誰」。

2.紀念品推銷員

2005年喺曼聯來港進行友賽時,以大使身份向曼聯送上以自己 CD封面砌成之紀念品,仲聲稱該紀念品將會放喺「大英博物館」。誰知癡心錯付,場波踢完,球員走晒,只剩低紀念品放喺冰冷嘅更衣室角落,網民們先將此人改名為宋禮 X。

3.菲律賓工人

無論係身高、樣貌、膚色都同菲律賓工人相似,不過亦有人話另一藝人鄧穎芝亦都不遑多讓。

4.世界衞生組織特使

早排去食麵時見到對面嘅食客啲手指好污糟,於是「華麗轉身」離場,仲喺臉書公開此奇遇,足見佢對衞生非常重視,絕對適合擔任世衞嘅特使,監控各方疫情。

5.英語導師×御用警察

英語導師—— 2005年拍嘅電器廣告講出一句「賣飛佛」,俾大眾注意到佢強勁嘅英語水平,及後《學警出更》主題曲一句「 Oh can you feel, our sweat and tears」,唱得極似「 Oh can you feel, our spaghetti」,亦被懷疑係該位朋友嘅佳作。
御用警察——喺大台劇分別做過警務處不同部門,真正唔打得都睇得。

1.陳偉霆
2.李克勤
3.鄭融
4.劉浩龍
5.吳卓羲

忽然遊戲

一個別開生面又益智嘅點對點連線遊戲。

    全站熱搜

    tvb4life 發表在 痞客邦 留言(0) 人氣()