江華因腰患多年,放下演藝工作,休養近十年,最近更轉行保險事業。《蘋果日報》圖片

娛樂喧

黑超 Chok樣上保險堂 江華俾女集郵扯火

Ads by Google

 

江華六年前因腰患及抑鬱症幾乎全面停工,近日轉投保險行業,而且密密上堂,積極準備新工作。久休復出的江華,上堂時深受女同學歡迎,紛紛要求合照,足見即使現年 52歲,魅力依然不減。
不過,可能因為愈來愈多女圍,其間江華突然情緒波動,嬲爆爆拒絕合照,更寸爆話︰「我依家係嚟上堂,唔係嚟影合照。」嚇得女同學鳥獸散。睇嚟重投社會的江華,度火依然在。


藝人轉保險易撈

江華近日積極備戰準備投身保險業,上星期三( 17日)更戴住草帽太陽眼鏡, chok住去尖沙嘴的辦公室上堂,比劉華更劉華。
據一位有份上堂的學生爆料︰「呢堂係講公司產品,佢(江華)上堂時好專心,中間休息時,好多女同學要求同佢合照,起初佢都來者不拒。不過,到第二次休息時間,可能因為愈來愈多人圍住,佢突然情緒波動,發火話:『我依家嚟上堂,唔係嚟影相。』雖然合照被拒,但現場唔少人都讚佢靚仔同 keep得好,佢仲同身旁嘅女同學好好傾。之後江華提早十分鐘落堂離開,可能驚落堂時又俾人追住合照啩!」
在外星味不減,但返到屋企,江華則做回住家男人。周日( 21日)父親節,江華揸車載麥潔文及女兒回太太的音樂學校,他更在樓下等足兩小時,其間不時拉低眼鏡看手機,似乎是有點老花。之後他們一家三口駕車往尖沙嘴酒店嘆完下午茶,才返回沙頭角寓所。




麥潔文不怕保險界多靚女,更謂百分百信任丈夫。


唔夠你 chok!(設計對白)


96年江華在《西遊記》扮演唐三藏,令他事業扶搖直上。


江華 09年拍完《跟紅頂白大三元》後,因腰患而停工。 麥潔文:佢對我超細心

本刊連日來在江華寓所外等候,都未見其外出,反而周二( 23日),麥潔文出席活動並接受本刊訪問,她直指老公已取得保險牌照。對於老公上堂時被「集郵」而扯火,她則說:「佢咁做好應該,有啲人真係嚟上堂。(佢上堂時好專心喎。)咁咪好囉,咁就乖。佢都有同我講,阿 Sir都有出聲。(保險界好多靚女,擔心嗎?)要驚都係以前驚多啲喇,以前娛樂圈咁多靚女,依家佢個心向我。佢係一個經一事長一智嘅人,經歷咗咁多嘢,知道乜嘢應該做,乜嘢唔應該做,依家好放心。而且佢對我好細心,係超細心。(佢 keep得好 fit喎。)之前佢見我減肥,佢又減。我減肥時,佢日日都提我,對自己無益嘅嘢唔好食。」




忟到咬唇上周三( 17日),江華黑超、紳士帽加埋 chok樣上保險堂,身邊的女士都爭相拍照,最後搞到他要提早十分鐘落堂離去。


父親節 High Tea周日下午 3時左右,身形很 fit的江華駕車載麥潔文和女兒返回音樂學校,之後踢拖在樓下等了兩小時。





其間因為等得耐,江華落車鬆一下睇手機。不過他拉低太陽眼鏡仲要拉遠睇先睇到手機,明顯出現老花。


下午五時許,麥潔文與女兒終於現身,因為女兒急住上車,連手機也跌落地。


十幾分鐘後,江華一家到了尖沙嘴一間酒店嘆下午茶,享受完兩小時家庭樂後便返歸。 百萬保險王

保險員每年保單銷售總額超過一百萬美金,便可以加入國際性組織「百萬圓桌會( MDRT)」,能夠得到這個榮譽的藝人也不少。

鮑翠薇
眾多藝人之中,以鮑翠薇最厲害。她 1990年加入保險界後,翌年起連續 21年達成 MDRT指標,在保險界屬頂級人馬,唔只是藝人之冠,仲贏晒唔少比她早入行的保險前輩。

戴志偉
1999年開始投身保險業,戴志偉一邊拍劇一邊推銷保險,試過九次達成 MDRT指標,在保險界甚有名氣。

鄧一君
入行七年的香蕉仔鄧一君成績不錯,曾經連續三年達成 MDRT指標,難怪近日他不但荷包腫脹,連身形都日益膨脹。

上山詩鈉
91年已經加入保險界的上山詩鈉,據稱她簽一張保單就可以過二百萬美金,簽單能力非同小可。













撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()