6月 7日:面對面皺晒眉記者連續兩星期追訪魏氏夫婦,發現魏駿傑和張利華只有呢日一齊出現,不過二人絕對係零交流。呢個皺眉頭對峙數秒的畫面,已經係最親密的距離。

滾熱辣

嫩妻日日扮靚唔黐家 魏駿傑死撐:佢喺屋企溫書啫!

Ads by Google

 

早前魏駿傑的嫩妻張利華被踢爆與前港隊單車手鄧宏業攬腰夜會,魏駿傑公開表示「心裏有條刺」,但為了 5歲女兒 Jessica,仍會努力維繫呢個家。
夫妻感情出現缺口,要挽救亦需要時間。過去兩星期,這對老夫少妻的關係非常疏離,湊女更是分更制。嫩妻張利華每日送女返學,魏駿傑則負責接放學,只有一日齊齊現身,不過二人卻零交流。
為填補心靈空虛,張利華每日都扮到雀咁靚,送女返學後便自由活動,早出晚歸唔黐家。不過魏駿傑似乎唔知嫩妻去咗邊,死撐說:「佢喺屋企溫書啫!」


魏駿傑與嫩妻關係淡如水


魏駿傑嫩妻日日扮靚唔黐家

47歲的魏駿傑與年輕 20載的重慶嫩妻張利華早前傳出婚變,魏還表示會為 5歲大的囡囡 Jessica努力守住這個家。魏駿傑早前更坦言半年前已斥資逾二千萬,購入西貢五千呎獨立屋,新屋業權嫩妻張利華都有份,亦講到明因為是獨立屋,就算二人再嗌交都可以到另一間房瞓避一避。言下之意,似乎想有多些空間讓夫婦冷靜去解決問題。




我好忙,有自己工作同興趣!(真實對白)


我哋就快搬新屋!(真實對白) 嗌交後分房瞓

據知情人士透露:「傑仔其實都好照顧呢頭家,搵嘅錢全部都放晒喺個女同屋企上,仲成日買名牌俾張利華㖭。不過佢啲脾氣好大,郁啲就爆粗,講啲好難聽嘅說話就在所難免。上次嫩妻同單車手傳緋聞,傑仔嬲到話如果佢(張利華)要走,就乜都唔使旨意拎走。老婆重慶嘅父母就等老婆自己養番,傑仔會收番結婚前喺當地買嘅嗰層樓。有時兩公婆火起上嚟都會有啲推撞㗎!為免面左左,佢哋已經分房瞓一段時間。雖然咁唔開心,但張利華有太多顧慮,咁多年都係傑仔養佢全家,所以佢唔會輕易離婚。」
魏駿傑曾直斥嫩妻甚少陪伴女兒,但過去兩星期所見,張利華一反常態,每日都會準時送女兒到九龍塘校舍返學,放學則由魏駿傑獨自湊女回家。難得一天( 7/6星期日)見到二人同車出門湊女,但都是零交流,氣氛並不融洽。
其餘的日子,張利華每次送完個女返學,都會把魏駿傑價值 83萬的白色 Range Rover座駕停泊在路邊,然後獨自乘的士離開。而每次她均打扮到花枝招展,經常以鮮色短裙及孭着名牌手袋。她行徑亦非常鬼祟,每次都是失驚無神在人群中截的士,其間不時四處張望,看來有心逃避傳媒追訪。




一身名牌安頓好女兒回家後,二人便分道揚鑣。張利華即時㩒電話約女友人到西貢市按摩。身穿鮮黃色連身短裙戴上黑超的她,盡顯美好身材,再加上價值 6萬蚊的 Hermès Lindy,及 4萬 7蚊的卡地亞手鐲,行頭十足。


6月 9日:老婆湊返學日日打扮到靚靚的張利華,當日一身橙色造型非常 sharp醒,湊女返學期間不斷傾電話。


棄車轉身走張利華慣性於每日下午 2時駕駛魏駿傑的座駕送女到九龍塘返學,把車泊在路邊後,她便獨自截的士離開,行徑非常神秘。


6月 10日:彩雀去血拼這日張利華如常送女返學,之後再約好友去中環行街血拼。發現記者後,她即在人多車多的雲咸街截的士撇甩記者。似乎並非如她所講,要開工或者上堂。


6月 19日:股惑鬆人張利華湊完女又急急腳閃人,身穿白色背心短裙的她落的士時裙襬太過飄逸,差點走光。在佐敦食完碗麵,她即衝上的士打電話,真係好趕時間。


唔知老婆行蹤

上周四( 18日)下午,心情勁靚的魏駿傑準時出門湊女放學,面對記者採訪表現輕鬆,還幫嫩妻講好說話:「我老婆點?因為佢要考船牌,依家要繼續上堂,所以成日匿喺屋企溫書。」但本刊記者連日所見,張利華除了湊女返學,其餘時間都是約朋友行街、食飯和按摩,似乎連魏駿傑都唔知老婆節目咁豐富。
本周二( 23日)魏駿傑返回內地開工,張利華湊女返學時,記者上前問她夫妻關係是否疏離,她最初表現忟憎:「我哋兩公婆好好,冇離婚。嗌交會有,解決咗啦!依家我有去讀書,讀緊船牌課程,仲有做珠寶同讀珠寶設計。(你同魏駿傑成日都分開湊女喎?)要做嘢嘛!兩公婆要分工合作。(着到咁靚唔怕引嚟狂蜂浪蝶?)我着得靚係尊重人哋,又或者係場合需要,但好多報道話我去識男仔。我一着得唔靚唔好睇,就話我老公冇錢。(咁新屋裝修進展點呀?)下個月應該搬得入去,用咗近 200萬去裝修,因為我老公好有要求。」張利華聲稱自己不是大花筒,現在已有工開,不過每日要送女返學後才能上班。




凸腩大叔近年甚少在香港工作的魏駿傑,主力在內地搵人仔,呢日佢挺住巨腩,罕有同嫩妻一齊湊女外出, 47歲已經搞成咁,都係時候要 keep keep。


阿女黐工人魏駿傑的寶貝女 Jessica與工人姐姐感情要好,當日着上運動衫由工人陪同出門到附近練網球。


老公接放學每日下午 5時,魏駿傑會自動現身學校附近,這日未夠鐘接放學,他一個人垂頭坐在公園長櫈,似是心事重重。時間一到,他便戴上 cap帽去湊女。





6月 11日:母女撐枱腳湊女返學前與囡囡到西貢餐廳食 lunch,兩母女有傾有講,不過爹哋冇份參與。


見女即笑不用返內地工作,魏駿傑一定做柴可夫接囡囡放學, 5歲的 Jessica與媽媽一樣鍾意做運動。見到囡囡放學狂奔,走在她身後的魏駿傑面露甜笑。


6月 12日:融入家長團這日魏駿傑跟其他家長在學校門外等湊放學時有說有笑,還搭晒膊頭,毫無架子。相反嫩妻湊女返學多日,都不見她與其他家長有任何交流。 唔想再牽涉入內

至於被踢爆與張利華密會的前港隊單車代表鄧宏業,據知他與張利華近月已鮮有見面,二人在 fb內的合照,已在報道出街後被剷走。記者日前致電鄧宏業,他即時與張劃清界線:「佢(張利華)只係我嘅學生,我承認我哋係比較啱傾,係好投契,但真係冇嘢。呢件事發生咗,我俾媽咪鬧咗好耐,依家我哋已經冇再見面。我唔想再牽涉入佢兩夫婦內,放過我啦!」據知過去因為張利華介紹,不少人跟鄧宏業學踩單車,但二人關係不再,鄧現時要在大埔一單車運動舖掛單做教練維持生計。
兩公婆牀頭打交牀尾和,希望魏駿傑收斂大男人的脾氣,張利華亦安份做個好媽媽,順利過渡他們的「七年之癢」。




重慶外家有指魏駿傑與張利華結婚前,已在重慶買下陽光 100國際新城一個單位,給張利華父母安居。


2千萬新居魏駿傑自爆半年前在西貢以 2千萬買下 5千呎的三層高獨立屋,現正裝修等入住。他更表示新屋有寫老婆名,力證二人關係良好。


混入上流早前陳鴻業(施念慈前夫)曾贊助鄧宏業的單車隊,二人因而開始熟稔,有指鄧為認識多些名媛,不時跟在陳身邊打好關係。


教踩車搵到食與張利華傳撻着的前港隊單車代表鄧宏業,現時以教單車維持生計, 2千蚊四堂教足 8小時,收費絕對便宜。 撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()