Simon差不多每天都繪製新款的皮鞋,大約每天完成 3至 4對。

創業通

手繪版千履奇緣

Ads by Google

電影《千履奇緣》講述家中數代為補鞋匠的男主角,為客人修補不同款式及個性的鞋,當他穿上修補的鞋後,會變成該鞋主人的模樣,因而鬧出不少笑話及為客人送上溫暖。
現實中, Simon雖不是鞋匠,但有同樣的神奇魔力,他以巧手為皮鞋繪畫不同的花紋及油上不同的色彩,並視作品如子女,為每款鞋改名字。他以不同的色調配襯出客人的個性,滿足客人的需求!




Simon表示為皮鞋上色,手最緊要定,「鞋好講求對稱,落錯一筆,對鞋已經唔要得。」

「意大利好早就有手繪皮鞋技術,但喺香港比較少見。大多皮鞋都係原色、黑色等深色系,好少好似我哋咁 colorful,紅色、黃色、青綠色、橙色、粉紅色等都有!」在位於觀塘的 SAPH+陳列室內,男裝鞋琳瑯滿目,除了 Simon創作的成品外,他們亦接訂單為客人度身訂製皮鞋。
Simon於明愛白英奇修讀平面設計,之後到日本修讀攝影,「自細已經鍾意畫畫同設計,畢業後做過設計師,主要設計出口日本嘅時裝。」 Simon笑說差不多說得出的布料,他都試過用來製作衣服,當中以皮革為他最愛。「皮革畀人感覺好高貴,皮鞋多數用牛皮,皮褸就主要用軟身嘅羊皮。」
12年, Simon有感男裝鞋的市場不大,款式都比較單一,喜歡創新的他,嘗試為皮鞋添加更多不同的色彩,便創立自己的品牌 SAPH+。「皮鞋會搵廠整,以男裝牛津鞋、英倫鞋為主,我就負責人手上色部分。因為要用顏料上色,所以皮鞋唔可以加化學物質,否則會上唔到色或者唔均勻。」

深淺漸變都得

原本 Simon只做單色的手繪,但發覺做到深淺色漸變色的效果,「我經代理買皮革專用顏料,本身得 7、 8隻色,我再溝吓,先有𠵱家約 35隻色,做到唔同圖案及花紋。」
頭兩年, Simon的手繪皮鞋以外銷日本、德國及法國等地為主,但一人兼顧創作與行政,實在令他吃不消,「一邊油鞋,一邊要聽電話或者見客,但顏料乾咗會唔同色,搞到左右腳唔啱色。」
Simon的妹妹 Debbie原於美資公司工作,負責行政及市場營銷事務, 14年,她見哥哥一腳踢搞生意好辛苦,便於今年初辭職,幫忙打理 SAPH+。「我覺得哥哥嘅手藝好好,香港客都會 buy,開始主攻本地嘅市場。」 Debbie主要負責創作及製作以外的事務,工作性質與前工作相近,故能得心應手。




Max•靴款皮鞋•$2,000Simon視每對鞋如子女一樣,每款鞋都會有獨立名字。


Andy•雙扣皮鞋•$2,000


Benny•牛津鞋•$2,000


James•牛津鞋•$2,000 愈誇張愈多人問價

2人合作,少不免會有不同意見, Debbie指出:「最緊要分工清楚,大家會尊重對方喺唔同範籌嘅決定。雖然有時我會就貨品顏色畀意見,但畢竟男女角度唔同,我覺得鮮藍色圖案太誇張,但往往呢類款式先多人問價,所以我好相信佢嘅觸覺。」
現時,他們於觀塘觀點中心租下兩個分別約 100呎的單位,一個為陳列室,另一個為工作室,月租約$10,000。「本身有諗過中環,但 500呎樓上鋪租金要$20,000,未必負擔到。見觀塘交通方便又平啲,所以揀呢區。」客人主要為 25至 30歲的男性上班族,每對手繪皮鞋約售$2,000至$2,500,度身訂造同價。




Simon與妹妹 Debbie現時兄妹檔打理鋪頭, Debbie說:「 Simon嘅手藝好好,每對鞋都好靚,覺得本地都會有市場。」


Simon所用的為染皮專用顏料,並由自己溝出不同的顏色,「染皮專用顏料主要分為水性及酒精兩大類,我主要用酒精類,因為落雨時,水性可能會甩色。」 鞋頭加圖案

Simon會先了解客人的需求,盡力配合和創作令他們滿意的圖案及顏色。「客人不時會有特別要求,我都會盡量滿足佢哋,好似有位客人想為未婚夫訂製一對鞋頭加貓頭鷹及馬圖案嘅鞋;又試過有位新郎哥,想用一對特別嘅鞋襯格仔禮服,最後幫佢整咗對有淺啡色帶金屬色嘅雙扣款,佢好滿意。」
Simon的手藝亦得到賞識,獲得 PMQ的邀請,分別於本年 1月、 2月及 4月到 PMQ擺 pop-up store,「呢個係一個好好嘅宣傳機會,除咗網上社交媒體同落廣告外,人傳人嘅口碑會更有成效!」
外國的訂單約佔整體生意的 7成,香港的業務雖仍處於起步階段,但他們絕不輕言放棄,「希望同唔同嘅設計師 crossover,遲啲會推出女裝鞋款,長遠目標想搬鋪,有機會試吓申請 PMQ。」




採訪當日,他們試造了一對女裝手繪皮鞋的樣辦,希望日後可進軍女裝鞋市場。


除了手繪皮鞋外, Simon還會繪製皮褸。$3,500


Wilson 客人喺網上見到 Simon嘅手繪皮鞋好靚同好特別,我訂造咗一對,質素好好! 開業成本

總投資$230,000

每月收支(只計香港)

營業額:$100,000
租金:$10,000
人工:$35,000
雜費:$5,000
盈利:$50,000

SAPH+
facebook@workshopsaph

撰文:霍芷晴
攝影:楊晴、陳嘉元

    全站熱搜

    tvb4life 發表在 痞客邦 留言(0) 人氣()