One More Day雖是樓上鋪,位置有點不便,但午市仍有不少客人光顧。 Johnny(左三)正擔當 MC,介紹大家玩 Mall of Horror喪屍遊戲,迅速與客人打成一片。

Jobs Live

真人互動 桌遊專員

Ads by Google

當大家不自覺地沉迷各式各樣的手機及電腦遊戲,與朋友面對面溝通的時間變得愈來愈少。雄仔和 Johnny與另外 5位友人,覺得年輕人不應該做宅男宅女躲在家做鍵盤戰士,應珍惜與朋友的真實交流。有見及此,他們於元朗開了以桌上遊戲為主題的 cafe—— One More Day,遊戲超過 40種,更有專人解說及參與遊戲,絕不怕悶場!

樓上鋪 One More Day由 7位 80及 90後創立,當中雄仔主力製作食物, Johnny則為桌遊專員,負責招呼客人,解說遊戲及參與其中,確保遊戲進行順利及帶起玩樂氣氛。
雄仔表示:「我哋有 partner喺元朗長大,發覺呢區冇咩 cafe可以畀人 gathering,所以想開一間,加上我哋好鍾意玩 board games,見近年少咗人玩,覺得好可惜,希望可以帶番起個熱潮!今年 2月決定創業, 3月就開業,喺 7位老闆中,我係全職打理 cafe,其他人各有正職,放工及得閒時返嚟幫手。」




《只言片語》Johnny說:「有啲類似 Pictionary,但呢個除咗估圖案外,仲好考反應同溝通能力。」


《犯罪現場》這個屬偵查類遊戲,「好考推理能力,加上有功能卡輔助,都幾緊張,氣氛會好好!」


最受歡迎:《 Mall of Horror》Johnny說:「呢個遊戲比較刺激,係關於避喪屍嘅生存遊戲,適合多人玩。」 超過 40款遊戲

One More Day提供超過 40種遊戲,比坊間的 cafe多差不多 30種, Johnny說:「我哋好種意玩 board games,開業前喺網上訂咗好多坊間少見嘅遊戲,好似,《 Pinocchio》、《 CS Files》及《狼人遊戲》等,希望客人有多啲選擇,唔會悶!」
開業前, 7人通宵達旦地試玩,「有啲 rules唔清楚,就要上網 check番;亦試過有啲冇咁有趣,就要諗吓點 present先會令人投入。」




煙三文魚沙律$42


Oreo Shake$42


泡菜炒飯$88 觀察客人反應

作為桌遊專員, Johnny坦言要帶起氣氛,一定要細心觀察每位客人的反應,「試過有 4位客人一齊玩,教佢哋玩嘅同時,我發現當中有一個唔太投入,我就要放多啲注意力喺佢身上,多啲問佢問題,等佢冇咁怕羞,自然會容易投入。」
當面對大夥的客人, Johnny亦不會怯場,「本身做銀行工,學到嘅溝通技巧好有幫助。有時客人會玩到淩晨 2至 3點,會辛苦少少,希望日後可以請多啲人幫手。」
現時 One More Day月賺約$20,000,客人年齡由 14歲至 40歲都有,當中以學生為主, cafe每逢週末晚上便會爆場,雄仔表示:「打算每月搞一個 event,例如 speed dating、 board games比賽等;我哋仲會推出多啲優惠,好似送飲品或者現金券,吸引多啲客人。」




雄仔負責料理部分,「我喺酒店做過,希望整多啲普通 cafe少見嘅菜式,唔會局限西式,仲會有日韓菜,好似泡菜炒飯都幾受歡迎!」


為了迎合不同客人的需求,店中還設置遊戲機區域,讓喜歡打機的客人隨意使用。


豪仔、 Kristy 客人喺 facebook見到元朗開咗一間新 cafe,我哋又住喺附近,所以約埋一班朋友過嚟試吓。佢哋呢度嘅遊戲好多種類,有好多都幾新,加上店入面又有免費 wifi,幾好呢!

facebook@One More Day
地址:元朗谷亭街 4號 2樓

撰文:霍芷晴
攝影:傅新發

    全站熱搜

    tvb4life 發表在 痞客邦 留言(0) 人氣()