呢兩張係 gameone新畫的電腦動圖截圖,畀你睇番出招過程。

漫遊毒物

爆機達 x海虎 app  X得大聲啲! OK?

Ads by Google

數香港漫畫大師,一位就以「畫意」起家,另一位就出名係「橋王」,但最得記者我歡心的,始終係粗俗中見霸氣,充滿爆炸力同生命力的肥良!當年肥良跟馬 Sir各行各路,以《海虎》一書大反擊,角色個個有血有肉、劇情夠爆夠盡。
20年後《海虎》再次被改編成手機咭牌遊戲:地獄之刀、殺鯨霸拳、終極無限、海虎爆破拳,全部招名仲有達哥用盡一百萬匹爆機力量聲演,轟散你班友仔對耳!

便他 X的戰吧

95年左右,《龍珠》等正版日漫襲港,港漫亦併發出最強力量,作品百花齊放;勁有生命力。肥良(溫日良)本來係馬 Sir主篇《黑豹》,後因意見不合反面出走,肥良離開天下後推出新作《海虎》三部曲唔係話非常完美的傑作,但卻是港漫界異色之作。肥良只止一家的科幻背景技擊故事,仲有跟上時代的力量等級計算法,本身已很對新一代日漫書迷胃口;且從字裡行間,你能體會到肥良對身邊種種事情的怒火同不滿,你知佢係用道火同條命去寫,一個個性格鮮明的角色令人印象難忘、故事走得又激又盡,三輯各 48集亦絕冇拖戲,令人看得叫爽。




達哥同原作者肥良一齊影輯相,溫生熱愛潛水同打 golf,身型已經唔係肥,但仍然好巨型,比例好大對比。


咭牌戰勝在快上快落,唔使好似打 RPG咁花時間。遊戲同樣有 PvP玩家對戰模式。 港漫神作咭牌化

至於遊戲亦冇選擇要花長時間升 level煲 game的 RPG,而係爽快易玩的 card game,你可以一路睇《海虎》劇情一路打任務、儲新咭,以 3部《海虎》的角色組成心水隊伍。遊戲仲搵來爆機達配音,每次出絕招仲會有動畫演繹出招過程,等你知道海虎爆破拳究竟點出。你話爆機達把聲真係好正?叫招名真係夠氣勢?其實又唔係,我反而好期待阿達點配《海虎》內極之過激的對白,尤其第 2部中白次男被「基頭四」終極侮辱,究竟達哥會點配:「我要食熱狗」同「師父救我啊!」呢,真係諗起都想笑。




《海虎》世界有磁埸轉動力量,人物戰鬥力分為 25/50/75/99/100萬幾個匹數,遊戲都會用,但就唔係完全跟足。


唔使理派別,玩家可自由組合想要嘅隊伍。


角色可以用合成功能提升能力,當然唔少得課金抽咭。 基頭四終極登場!

《海虎 2》最具爭議性的一幕,經典到你只要上 google搜尋海虎,自動會彈出奸角「基頭四」個名,原來第 2部主角白次男被反派波士瘋牛所捕,被四名眼神鹹濕、笑意淫賤、動作乞人憎的同性戀 4人組「基頭四」凌虐非禮。當年有不少行家跟風照玩,比如《街霸 4》就有無情情豪鬼出瞬獄殺突擊阿 Ken「後門」,實在唔知達哥在遊戲中可以點樣配呢班變態佬!




強而有力∼∼我要食熱狗∼∼唔好畀佢停∼∼


自從肥良玩過一次,好多漫畫家都跟風玩。





呢句對白後來不斷被高登仔喪 loop, Google搜尋「師父」就會出「救我呀」。 

開發公司: Gameone
遊戲平台: iOS、 Android OS
發售日期: 2015年 6月中旬
收費模式:免費下載
遊戲官網: http://tsp.gameone.com 
遊戲下載: http://goo.gl/emH9g7 

撰文:鍾世傑

    全站熱搜

    tvb4life 發表在 痞客邦 留言(0) 人氣()