左起: Gear、 Danny、阿浩

Webber

YouTube後的人  V-Monkeys

Ads by Google

現在人人做 YouTuber都是集中打理自己的 YouTube Channel,所以網民一般評價 YouTuber紅不紅,都是以 Channel有多少訂閱人數作為標準。偏偏今期 Webber主角的 Channel就冇乜人訂閱,又冇乜片,但如果提起他們的作品,大家又一定不會覺得陌生。他們就是專拍 YouTube廣告的幕後 Production Team: V-Monkeys。

創意成合作契機 拍廣告贏口碑搵到食


V-Monkeys嘅成名作就係呢條〈那夜凌晨 Go Go Van〉,連色 Tone也是參考了《紅 Van》,認真心機之作!

V-Monkeys成立前, Gear、阿浩和 Danny兩組不同 production team,各自有專業的拍片水準,機緣下合作拍了第一條 YouTube片〈那夜凌晨,我坐上了大埔開往旺角的 GoGoVan〉而相識。 Gear:「嗰時網絡嘅植入式廣告未算盛行,初時合作真係好無意咁撞咗呢條橋出嚟,效果亦相當不錯,不但有 noise,客戶亦好鍾意,好有滿足感。其後慢慢再有 Job搵阿浩,阿浩又搵返我,合作咗幾次之後發現大家好夾,就決定組 team。」雖然並沒有刻意打理自己的頻道,但他們的植入式廣告 Soft Sell廣告片仍叫好又叫座,口耳相傳下,不斷有人找他們拍片。「大部分嘅人睇片嘅習慣都漸漸轉向網上,尤其係智能手機出現後,所以我哋呢類罐頭短片植入廣告係大有可為,令好多 YouTuber都發現原來 YouTube唔只 share,仲可以拍廣告,令好多 YouTuber身價暴漲,有啲更成為明星。」

TVC與網上廣告 「自由」致勝


呢條〈收兵三十六計〉用孫子兵法嘅包裝去賣暗瘡膏廣告,真頂癮!

電視廣告(TVC)受著廣播條例的約束,秒秒都是金錢,創意上必然受到限制。「廣告公司多處理 15秒嘅廣告,所以多都係以品牌做出發,而網絡廣告喺時間上個限制比較低,所以我哋可以天馬行空咁發揮。」雖然三子也希望將來有機會拍到 TVC,但現階段也很享受在自由的 YouTube世界裡拍出自己的「痴線」想法!「例如,一間香港嘅廣告公司係唔會向客戶提議『吉野家唔再賣牛肉飯』呢條橋,因為佢哋始終係一間公司,好難承擔起個風險,所以盡量會走一啲正路嘅思想。而我哋就會諗得『痴線』啲。」三子的確有心做好每條片,度橋、落 CG、砌廠景、每一 shot調色等等,讓網民看得出他們有心做好,可始終有網民 dislike他們「賣廣告」!他們都不禁慨嘆:「其實人人都要搵食,我哋做好條片,網民睇得開心, YouTuber又搵到錢,其實係一件雙贏嘅事,點解網民要咁憎人賣廣告呢?」

劇情片也可在網上發展

導演 Gear讀 digital media,有著專業的拍片知識,最愛看日本片;監製阿浩讀傳理,做過記者,也曾做過公關,最愛看港產片; Danny則背景多多,也曾嘗試過不同行業,最愛看西片。正因為三人的背景和喜好不一,才令他們每每能撞出新意拍廣告。然而網絡世界之大,令他們不只單想拍廣告。 Gear:「其實內地好多網站例如土豆、優酷自己出產的網劇、動畫、電影都很厲害,而我覺得香港都將會咁樣盛行。」其實三人都愛拍攝劇情片多於純產品資訊的廣告片,所以將來都希望繼續以網絡做基礎,去發展自己喜歡的劇情片。




〈香港復仇者聯盟 Avengers HK〉係幫壹周刊嘅手機 app拍嘅,用《復仇者聯盟》嚟做大橋。


最新海洋公園嘅網上廣告入面,阿浩同 Danny兩人都有粉墨登場,佢哋話都有少少興趣做幕前。 撰文:陳可兒
攝影:陳嘉元

    全站熱搜

    tvb4life 發表在 痞客邦 留言(0) 人氣()