電訊型科

鋁合金萬能俠  UBTech Game Robo Alpha 1s

Ads by Google

電影《少林足球》入面,大師兄黃一飛雖然提到「少林功夫加唱歌跳舞」呢條絕世好橋,卻換來被戲內老闆爆樽爆到頭破血流。不過唔緊要,引入香港嘅國產鋁合金智能機械人 Alpha 1s就話俾大家知,大師兄條橋係 work嘅!事關佢真係識打功夫、唱歌跳舞同做單手掌上壓之餘,肢體動作仲係模仿人類骨骼活動而來。唔只《少林足球》,連《 E.T.外星人》經典「手指掂手指」場面都扮得到。

Spec.

製作物料:鋁合金
售價:$6,498
查詢: Everbest( 2541 2982)

萬能機械人 眼神帶點邪

呢部 Alpha 1s係全國最矚目智能人形機械人企業 UBTech出品,雖然唔少人聽到「國內出品」就會對產品打咗折扣,不過細睇造工、 16個關節位確比想像中精細,加上雙眼同四肢內置 LED燈,做動作時會閃光,完全冇國貨嗰種粗製濫造感覺。只係記者諗極唔明,佢明明用上純白色咁 pure and true嘅設計,但竟然會配以一對邪氣眼仔,唔通佢想好似《少林足球》六位師兄弟一樣,集各家之大成?




出拳


單手掌上壓


氣喘


跳舞 手機 app操控 動作指令 17種

有睇《智能叛變》、《超人類卓比》等科幻片嘅朋友,可能會擔心智能機械人發展下去,會有不受控嘅可能。幸而 Alpha 1s唔會有呢個情況,皆因佢要以藍牙連動裝上《 Alpha1s》 iOS或 Android app嘅智能裝置至能夠控制。玩落幾 surpise係無論連接同揀動作操控都冇 delay,佢對應左勾拳、跳〈 Gangnam Style〉舞步等 17個動作指令,仲可以上官網下載專屬軟件,自訂握手、鞠躬等更多動作,唔易玩厭。

操控介面

 




用作操控機械人之《 Alpha1s》 app同時對應 iOS及 Android,免費下載,裝完就可用藍牙與機身配對。


對應左勾拳、跳〈 Gangnam Style〉舞步等 17個動作指令。 撰文:蘇家華
攝影:李玉梅

    全站熱搜

    tvb4life 發表在 痞客邦 留言(0) 人氣()