Prince經常孖住黃之鋒同其他學民成員周圍擺街站,雖然父母唔想個女企咁前,不過自命硬頸嘅 Prince就一於少理,希望家人明白。網上圖片

U Spy

學民新發言人 黃子悅好吹得

Ads by Google

上週四( 28日)成功代替黃之鋒入境馬來西亞出席六四論壇嘅黃子悅( Prince)唔單只係新上任嘅學民思潮發言人咁簡單,其實佢仲係音樂達人,識多種樂器,堅有料到!

仲記得上年雨傘運動,黃子悅同之鋒絕食 118小時,𠵱家 17歲嘅 Prince啱啱考完 DSE等放榜,佢話預計自己可以考 20分以上,希望入到中大政治與行政學系,或者其他大學社會科學學科。 Spy仲知阿 Prince原來係音樂高手,佢喺出名音樂成績勁嘅國際基督教優質音樂中學暨小學讀完中六,「我小一開始學鋼琴,考到八級,長號有七級,出面仲有玩管弦樂團,不過經歷過佔領運動之後,為政改我都可以付出更多,同埋絕食期間都試過唔少發言工作,對呢方面產生咗興趣,所以就想嘗試做發言人。」後生女,加油!




Prince除咗係政治熱血份子,私底下亦都係鋼琴高手。網上圖片


佔領運動後期, Prince為要求重啟政改對話,絕食了 118小時,體重由 90磅跌至 80磅,自此成為學民新星。《蘋果日報》圖片 撰文: U Spy

    全站熱搜

    tvb4life 發表在 痞客邦 留言(0) 人氣()