拍攝當日,正正係全港公路單車比賽現場,在鏡頭下 Carmen(紅圈)要落足力踩得快過其他對手,「其實係啲專業單車手特登踩慢啲讓我超前佢哋!」

U Spy

UStar校花冠軍 Carmen 新戲演車手特訓 5星期

Ads by Google

參選 FACE UStar校花校草,入行絕對零難度,好似 2013年校花冠軍湯加文 Carmen,繼與鄭伊健和周秀娜拍完電影《分手一百次》後,再連續拍了兩套電影,係犀利嘅!

 




Carmen一直想做專業演員,今年初就參與咗由黃秋生搞嘅「神戲劇場」,跟大師學戲。網上圖片


讀城大創意媒體系出身嘅 Carmen熟悉電影運作,加上靚女又有演技,在新戲就有機會同鮑起靜合作,機會難得!

Carmen城大畢業後無偷懶,專登搵影帝黃秋生學戲,除咗充實自己, Carmen都有好多演出機會,好似張家輝套新作《陀地驅魔人》, Carmen就飾演一個巨籮便利店職員,有唔少同家輝嘅對手戲,不過電影要 10月先有得睇,搞到 Spy吊晒癮。好彩佢話:「我上年 10月接拍咗由金馬獎最佳編劇蔡繼光執導嘅《大浪淘沙》,戲入面我飾演一名單車選手。」
雖然 Carmen間中都有踩車,但就完全唔識踩 road bike,為咗演得似,佢專程向港隊單車代表拜師特訓 5星期,難怪導演蔡繼光對 Carmen讚不絕口,「見住 Carmen由好驚青變到有運動員風采,我好欣賞佢咁有膽量同為演出咁落力!」

撰文: U Spy

    全站熱搜

    tvb4life 發表在 痞客邦 留言(0) 人氣()