現時無工開的周志文,早前接受本刊訪問時,佢就話:「生計冇問題!」

真面目

翻身有望 靠把口死唔去 周志文哭腔死𦧲樂大媽

Ads by Google

幾時都話「色字頭上一把刀」!因為衰連環溝女,而被大台派大信封嘅大孖周志文,上月 10日已經要執包袱。前路茫茫,大孖試過搵大隻仔溫家偉一齊返公司求情,據聞再隔幾日,大孖再單拖返去死𦧲樂易玲,又喊又發誓用苦肉計,不過樂大媽又好受喎!最新決定俾多次機會佢,續約有望!
大難不死,都未必有福享㗎!話說星夢揸弗人何哲圖同戲劇部珍姐曾勵珍都唔妥大孖,講到明唔會用佢㗎!




去年拍攝《衝線》時,周志文同吳若希秘密撻着,不過男友四圍溝女,吳若希都忍唔住背後加一刀,勢要篤死賤男!網上圖片

天生有鋪溝女癮嘅周志文,因為懶理正印吳若希,照樣喪溝蔡思貝、劉佩玥、陳瀅同何雁詩,樂小姐為保愛將陳凱琳免受傷害,梗係要出手,再加上吳若希金手指一篤,大孖留喺大台真係冇運行。

發誓冇下次

原本上個月 10日要執包袱離開大台的周志文,早前再特登返大台向樂小姐求情。據知當日大孖一入房就喊晒口,又發誓唔會再行差踏錯,𦧲足成粒鐘,樂小姐心軟就應承畀多次機會佢囉。
不過大孖把口啷過油,搞掂樂大媽肯續約,都搞唔掂星夢話事人何哲圖同戲劇製作總監珍姐,兩人仲講明一定唔會畀機會佢㗎!明知四面受敵,據知大孖搵嚟專門接收大台棄將嘅經理人 Gary幫手,為自己鋪定後路。
上月 21日,搬到旺角火車站附近唐樓的大孖,《 FACE》問他被炒後的近況時,大孖就話:「唔回應住!(有錢交租?)生計冇問題!(因為追陳凱琳而被炒?)吓!冇聽過!」之後就話趕住去見屋企人急急腳咁走。




落街買蕉周志文求其帶頂 cap帽,落到屋企附近超市買蕉,完全冇街坊認得出佢。


踢住拖買蕉後,大孖喺報紙檔睇雜誌,都仲好留意娛樂新聞。


周志文同呂熙 friend過打 band,一得閒就會約埋食飯吹水。


周志文終日無工開,最近群埋港男奀星呂熙堆,仲齊齊孖住上演技班同打波。網上圖片


數到周志文喺大台最後一套劇集,已經係 3月出街嘅《衝線》,雖然氹掂樂大媽有望續約,不過得罪何哲圖同珍姐,冇劇拍又冇歌唱,即係坐冷板凳! 大媽心軟

當初樂小姐為咗保護愛將陳凱琳,免受周志文騷擾而下令炒魷,不過對住周志文苦肉計,最終都係心軟畀佢留低。

 




專門接收大台棄將的經理人 Gary,不時幫向海嵐同馬德鐘接 job, Gary仲爆周志文有搵佢幫手接 job,但就承認大家冇合約關係。網上圖片


戲劇製作總監珍姐清楚周志文有鋪溝女癮,仲講明喺佢管轄之下,唔會有好嘢益到佢!《蘋果日報》圖片


愛將吳若希出到聲,身為「爸 B」的何哲圖梗係出手啦。《蘋果日報》圖片 細好過大


去年,細孖周志康低調同拍拖 5年嘅有米女友 Emily盧芷茵結婚, Emily更有「 A貨樂瞳」之稱。

大孖周志文風流成性,天生愛溝女,相比之下細孖周志康明顯專一得多,去年仲同拍拖 5年嘅有米女友 Emily拉埋天窗。睇嚟作為大佬嘅周志文,應該向細孖好好學習喎!

採訪、撰文:娛樂組
攝影:娛樂突發組

    全站熱搜

    tvb4life 發表在 痞客邦 留言(0) 人氣()