Shiga首次裸背演出,仲唔使清場拍攝,好專業啫!

真面目

香港冇剪 含鵰戲大馬全剪 連詩雅裸住吊

Ads by Google

連詩雅( Shiga)喺新戲《野狼與瑪莉》含大鵰燒,又激咀台仔張睿家,個個睇完嘩嘩聲,仲有傳 Shiga因為咁而激嬲百億闊少男友 Anthony添!
不過話口未完,最近再流出兩批「激」相, Shiga被台仔張睿家摸胸,再半裸被吊,台仔鯰魚哥塊面仲貼住 Shiga「玉背」!
雖然一幕激過一幕,不過向來審查嚴謹嘅馬來西亞,就因為尺度問題要刪走含巨鵰一幕,反而港台兩地就唔會刪走任何場口,保證人人睇到足本啦!

Shiga因拍《喜愛夜蒲》系列響朵,次次都要激情肉搏,點知今次仲激,夠晒「 juice」。上月 Shiga已經去咗馬來西亞宣傳新戲,到當地電台訪問時首次談「巨鵰片」,「裡面有啲誇張情節,都幾得意㗎!」




呢幕玉帛相見場口,鯰魚哥塊面仲要貼實 Shiga玉背,一班宅男一定好葡萄。


馬來西亞對上映電影的審查很嚴謹,搞到含巨鵰一幕全部剪走,不過港台就可以睇到足本版,夠晒「 juice」㗎! YouTube畫面 黑布遮胸

Shiga新戲《野狼與瑪莉》再流出兩批「激」相,其中一幕, Shiga先同戲中男友張睿家咀嘴,男方之後用手摸落 Shiga個胸,算係 Shiga從影以來最大突破!至於另一輯「激相」,話說 Shiga同台灣演員鯰魚哥(林明賜)被張睿家殺死後,兩人要半裸吊喺度烘乾屍體,而鯰魚哥塊面仲全程貼實 Shiga的「玉背」。
不過據知拍攝當日, Shiga都冇刻意要求清場,雖然半裸上陣,前面都只係用黑布遮住胸部,對導演百分百信任。
由於戲中太多激情場面,據知馬來西亞就因電檢尺度問題要剪走「含鵰」一幕,幸好香港( 6月 25日)和台灣( 5月 22日)依然可以足本上映。自 FACE Pop爆出預告片後, Shiga成為風頭躉,成功製造話題,收足宣傳效益,就連監製李建興都大讚其表現,「佢嘅工作態度非常好,又好配合,基本上佢完全達到導演要求,呢一樣我覺得非常開心,非常欣慰嘅事!」激嬲百億闊少 Anthony,不過就成功得到監製大讚,咁 Shiga日後都唔憂冇戲接啦!




Shiga首次吊威吔,佢話冇想像中咁驚,因為有工作人員同武指傍住喎!


摸胸台仔張睿家隻手摸落 Shiga個胸,真係隔住個 mon都感受到個 cup。


Shiga激咀張睿家都只係濕濕碎。


Shiga飾演在台灣居住嘅「港女」,其中一幕要喺餐廳邊換衫邊解 bra帶,之後仲換埋黑絲,盡現豪放一面!


玩屍重口味

《野狼與瑪莉》其實係改編香港漫畫家鄭健和同名漫畫,作者鄭健和喺開鏡前,仲要求有份演出嘅演員都要熟讀原著漫畫一次;至於戲中大部份場口都會以原著為依據,除咗少部份嘅屍體處理手法,因拍攝問題而要修改,其餘都跟足原著 sell血腥玩烘乾屍,非常重口味!




身兼原著作者兼導演嘅鄭健和(和金沛晟合導),一開始已經欽點 Shiga做女主角,仲大讚其表現,他說︰「評價都蠻高㗎!應該有百份之九十!」《蘋果日報》圖片


原著漫畫《野狼與瑪莉》儲落一班粉絲,未知電影版喺 Shiga領軍之下,會唔會有同樣效果呢? 採訪、撰文:娛樂組

    全站熱搜

    tvb4life 發表在 痞客邦 留言(0) 人氣()