face.jpg


俾人叫肥苟真係有原因㗎,昔日嘅省鏡苟姑娘減極都咁肥,睇下對手、再睇下對腳?仲粗壯過扶佢嗰個幕後!

封面

肥到起唔到身 苟芸慧 170磅企跳

Ads by Google

有得瘦,又有邊個想做「肥苟」?叫叫下,苟芸慧由女神變肥苟已經三年,叫極都唔見個體重下降,惟有接受大台地位不停下降,新劇《 EU超時任務》淪落到四線大茄、仲要係反派港女,好慘豬豬!

其實又唔怪得大台現實,上週三( 27日),簡簡單單一場天台企跳場口, 170磅肥苟睇又唔睇得,虎背熊腰爭啲撐爆衫;打亦唔打得,上落三呎矮牆亦勞師動眾極之論盡。停工年半大台先終於搵到個角色用得着佢,你估易?


170磅起唔到身  360度睇肥苟企跳

明明五官極標緻, 09年做華姐冠軍時仲要 fit到漏,由女神 BB搞到人人叫肥苟,都係因為工作繁重、壓力過大荷爾蒙失調。 13年拍完《飛虎Ⅱ》,大台皇恩浩蕩減低苟芸慧工作量,事隔近兩年再派苟芸慧接新劇,雖然戲份由花旦級數跌到落四線反派,好歹都叫有劇拍,有冇得翻身都係睇呢鋪!




凸腩為咗遷就苟姑娘,大台服裝部都明顯有諗過度過,可惜任可襯色掩眼法放喺 170磅苟姑娘身上,都冇乜幫助呢!


就係一上一落咁簡單,苟姑娘每次牽一髮則動全「 crew」,勞師動眾完,最辛苦、面部表情最扭曲嗰個都係佢。


爆鈕搞完一輪,肥苟原來爆咗鈕,快手扣番先! 造型核突


全 crew人去咗服侍苟姑娘上落,其他演員好似王浩信咁,大把時間扯煙背劇本;瘦苟姑娘兩個碼嘅朱千雪(小圖)則更加輕鬆啦!

上週三( 27日),《 EU超時任務》主要演員齊集拍攝天台戲份。劇情講到圍村村長王浩信前度苟芸慧拿住支紅酒、吹住「喇叭」搞事,王浩信同朱千雪齊齊追到上天台解圍。
當紮時期戲份吃重啲、角色討好啲、造型都靚啲,今時今日肥苟一概保唔住:戲份排在朱千雪、朱晨麗之後,連劉玥珮、譚凱琪都多戲份過佢;角色有破壞冇建設,典型港女最叻一哭二喊三上吊;連造型,為咗遮掩一身肥肉,大熱天時仍要灰色老土 one piece連全黑外套,髮型又係襯番個角色求其用師奶髮夾夾起, 32歲女咋,咁就被大台塑造成難攪中女。

營養師意見:睇完醫生再減肥


話就話積極求醫中,不過似乎對苟姑娘幫助不大。

苟姑娘話自己甲狀腺指數正常咗!咩叫甲狀腺指數?《 FACE》問過專業營養師 Angela:「甲狀腺屬於內分泌器官,主要功能就係控制身體代謝、調節身體機能,簡單嚟講,甲狀腺指數高會瘦,甲狀腺指數低,個人就算唔食嘢都會肥!呢個時候最緊要係睇醫生食藥先,減肥都係後話,同時間可以做嘅都係均衡飲食、多食蔬果、同適量運動。」

爬牆論盡

肥人最慘唔係肥,而係被瘦人襯托到比現實更肥。同場開工,除咗高人一等練到六嚿腹肌嘅王浩信,就係唔夠 110磅瘦到似碌竹嘅朱千雪;肥過全場演員都算, 170磅肥苟身型同在場大台武師、燈光師無分彼此嗰下最係諷刺。
其實揸住紅酒發下爛渣,場戲對白唔多鏡頭亦唔長,之但係唔夠三呎矮牆,肥苟次次上落都勞師動眾搞足十分鐘、原地由坐變企又再搞十分鐘,前後三個幕後猛男又傍又扶都係無法加快進度嗰下,隔住個 mon都覺論盡囉。你估同一場戲,換着差唔多份量、但靈活得多嘅欣宜會唔會快好多?

「減肥唔可以急!」

減肥進度停滯不前、大台地位就急降見底,不幸中之萬幸,係俾人叫足三年肥苟,苟芸慧起碼已經識諗,自稱睇輕磅數最緊要身體健康。
四月為新劇試造型時,就曾經口硬話負面新聞一概唔睇:「我有聽聞(花旦變大茄),但係冇睇過呢啲報導,唔想被影響心情。星爺話嘅,演員任何角色都要做,千雪本身都好適合佢嘅角色。希望大家除咗關心我嘅體重,都關心吓我嘅心靈。我最近啲甲狀腺指數都正常咗,減肥唔可以急,最緊要𠵱家個人好開心、樂觀。」梗係啦,冇人話瘦就一定靚, keep住樂觀啦!




台中出世、加拿大長大,苟姑娘背景純樸,一直難適應娛樂圈生活, 12年拍攝同謝天華的《法網追擊》時劇照(右圖)被大做文章,就令佢寃屈爆喊。《蘋果日報》圖片


電視畫面


暴肥後對苟姑娘自信、事業係打擊,連友誼,亦傳因為被取代,與好姊妹岑麗香(左)反埋面。


遮半個身悉心打扮出席梁烈唯婚禮,苟姑娘又係搵好姊妹做擋箭牌,遮住一半身軀至肯上鏡。


唔係有舊相為證,其實好多人都唔記得苟姑娘都有 fit過。 有升就有跌

09年當選華姐冠軍,苟姑娘當年靚到直接威脅當家花旦陳法拉,可惜隨着體重急升,事業亦都從高峰走下坡。




12年 10月,苟姑娘演出城城廣告加 MV,同城城傳出緋聞又激嬲七年城嫂熊黛林,攀上短暫事業高峰。《蘋果日報》圖片


又靚又 fit,廣東話爭小小,苟姑娘 12年都獲派做重頭劇《怒火街頭 2》女二號,戲份僅次胡杏兒。《蘋果日報》圖片


時瘦時肥以為減磅有眉目,苟姑娘去年六月被派至巴西主持世界盃節目,反而體重反彈。網上圖片 減肥道具龍虎榜

12年至今,點解荷爾蒙失調、從來冇瘦過嘅苟姑娘會俾人時肥時瘦嘅錯覺?美圖瘦瘦?你估花姨咩?其實係苟姑娘有佢特別嘅掩眼方法!




《 FACE》執瘦肥苟*圖片經 PS處理


原圖《蘋果日報》圖片


影大頭有冇發覺苟姑娘呢三年社交網絡啲自拍,張張都係大頭呢?有靚樣冇肥肉,所以睇在靚樣份上,巴打對苟姑娘算仁慈。網上圖片


借狗狗養寵物千日,用在一時,適當時攬住隻愛犬,又有愛心又遮住肥肉,一箭雙鵰就係咁解。網上圖片


焗桑拿大熱天時一齊行山,伍姑娘小背心、苟姑娘就焗桑拿,人哋眼淚往心裏流,肥人就大汗往身上流。網上圖片


扮鬼臉留意下,苟姑娘啲大頭十張有九張要嘟嘴扮鬼臉或者揸住手信小物,塊面當堂瘦咗、細咗,仲好可愛添!網上圖片


要識攝大棚人大合照,唔係求其攝喺後排遮住肥肉咁簡單,最緊要揀正肥美搞鬼嘅蝦頭後面企,咁就事半功倍。網上圖片


靠 props逼不得已要上鏡,最緊要眼明手快識得就地取材,成櫃都係嘅黑色衫再加神來之筆咕𠱸擋肚,又瘦咗!(好似係)網上圖片 採訪、撰文:娛樂組
攝影:娛樂突發組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()