風騷登台 家燕姐爆杏兒好事近
薛家燕早前率胡杏兒、胡楓、陳浩民、陳鍵鋒等到新加坡做《媽媽最愛演唱會》，於短短三日的行程中，家燕姐見盡杏兒的甜蜜事，更謂她在台上唱情歌時投入到連老闆都激讚！家燕姐事後更爆料指：「杏兒全程都好開心、好甜蜜，
Ads by Google
係近年表現得最Sweet的一次，而且佢又帶埋父母去玩，又細心照顧佢哋，真係好孝順，本身佢男友都話一齊去，不過做嘢真係好忙，最後都係冇嚟到。」
家燕姐早前與胡杏兒、胡楓、陳浩民、陳鍵鋒等到新加坡做《媽媽最愛演唱會》。
家燕姐和杏兒攜手在新加坡景點幫TVB拍宣傳片，二人表現相當風騷。
家燕姐又謂之後多口問了杏兒是否好事近？杏兒隨即笑到冧晒，當家燕姐追問話記住請飲的時候，杏兒更拍拍她示意收到，全程依然Keep住甜笑！據消息指，被家燕姐大讚全程成個人好似發晒光咁、靚到不得了的杏兒，將跟Philip於年尾玩閃婚，目前已籌備嫁娶事宜，家有喜事，難怪同行星洲的杏兒父母都日日笑不停。
杏兒跟Philip Lee拍拖後經常結伴周圍去，高調晒愛的行徑與過往有別！
杏兒出動時，一得閒就會做「低頭族」，與男友密密傾。
留言列表
