So Comment

後會無期 怡東軒 地址:銅鑼灣告士打道 281號怡東酒店 2樓 電話: 2837 6790(甲) (蘇施黃)

Ads by Google

快去…
聽聞怡東酒店會拆卸,而且唔會做番酒店,咁一定要介紹怡東軒畀大家。怡東酒店好似千年老人,相信都無乜年輕人會去,就算我哋同佢一齊大嘅都無再諗過去。但係而家有一個好好理由大家要快去,就係「怡東軒」。

班底…

侍應,黑衣人個個笑容可掬,招呼周到,有禮貌,又醒目。
領導人 Director of F& B的 Sammy Wu一定要記一功。 Sammy嘅班底係由文華酒店轉過來,難怪咁正!完全 feel到同去酒樓,就算好高貴嘅酒家都無咁嘅派頭。真正五星級嘅招呼。廚師亦係來自文華,有水準,但平喎!!!

食物

送的小碟,初頭以為係菜脯,原來係蓮藕粒,好食。但肉粒唔好食。陳醋小雲耳, garlic多了些。柚子醋浸小青瓜,非常好食, refreshing,青瓜切得幼細,可愛。金磚豆腐,整整齊齊,真係好似嚿金磚咁,亦好食。









叉燒,肉靚,燒得又少少燶燶哋,好味。
燒雞肝,不要叫,燒得老過我!又唔夠蜜汁,全香港燒肝最正一定係 Yardbird!諗起都流口水!!!
燒鵝髀,燒得顏色唔夠靚,但味道好好。









芫荽魚片湯,皮蛋係用雞蛋做,金黃色!魚片唔係用屋企煲嘅魚片,係用斑片!!!一碗係$138,一碗可以喺屋企煲一個星期了!哈哈!下次唔該多啲芫荽。
河塘煎藕餅,呢個係 sandwich style的藕餅,好食!






乾葱豆豉雞煲,好香,夠乾身。
鮑汁薑葱花膠撈麵,好好食,汁少啲更好。
生煎野菌包,必食!!!102分!!!又靚,又好味!比「大都淮揚」的更好。









蝦餃,下午飲茶 serve的食物,好食,又有心機,得得意意,唔係淨係得個樣!
芝麻卷,必食!!!天下間唔會再見到啲咁有心機嘅點心!芝麻卷都少見,黑芝麻裏面再一層白芝麻!好嘢!
薑汁奶凍,好夠薑!正!
遠年陳皮紅豆沙$98/一位
陳皮包括 8年、 12年、 25年的陳年老陳皮,紅豆用日本紅豆,非常沙,好香陳皮味。












杏汁卷, OK啦。

怡東軒
地址:銅鑼灣告士打道 281號怡東酒店 2樓
電話: 2837 6790



蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

撰文、攝影:蘇施黃

    tvb4life 發表在 痞客邦 留言(0) 人氣()