Kelvin(陳子傑, 23歲)中大工程系畢業發起參加校內書院創業比賽Raymond(蔡熙朗, 23歲)港大建築系畢業行動派,實現創業夢推手Henri(陳浩庭, 26歲)大一設計畢業後工作幾年,惟創業才找得着意義

年輕有夢 Hey Home 地址:銅鑼灣羅素街 26號 3樓 電話: 2866 6095

輸粒糖 贏間廠

Ads by Google

店約 300呎,月租$1,200包水電煤?
你沒漏看鋪租銀碼一個甚或兩個零,蛤乸亦不隨街跳,除非你是中文大學善衡書院學生──
Kelvin喜見書院去年首辦青年才俊計劃,透過比賽,勝出者即可以$1,200承租校園內店鋪實踐創業夢。
Wow! Kelvin二話不說找來好友 Raymond、 Henri,洋洋灑灑寫出了三十頁創業建議書參賽,結果……

結果,慘敗!
跟 Kelvin識於微時、同屬英華仔的 Raymond坦言:
「我無諗過會輸。」
首先,店名 Hey Home,含三位參賽者中文名字「熙子浩」的諧音,更重要是能奉迎善衡書院以家為本,鼓勵院內宿生每周二三百人齊進膳的院旨。
好,連帶經營的店,也以學生為本。「大學生夜瞓,食消夜高脂高膽。
所以我哋決定賣有機食品,畀同學有更健康嘅選擇。」
沒半點象牙塔式紙上談兵,年輕人着手找供應商,寄出了近百封信,最後成功聯絡上約十家本地有機食品供應商, Henri笑言:「當時明明連公司都未有,郵址都係用 Gmail。」
見面本為傾生意,結果多少變成初生之犢乖乖受教, Raymond續說:
「幾乎個個供應商都叫我哋唔好攞貨!話我哋就算一蚊都唔賺,零售價仲係貴過大型超巿。」雖然只是個比賽,認真得連供應商也見了, Budget、 Breakeven、 Projection通通有齊,「我哋係有 Execution Plan。」 Raymond自覺不敗,不無理據。




參賽 Proposal,洋洋三十頁,熬兩三晚通宵才完成。


中大善衡書院地鋪(圖左下角),位處宿舍群、就在飯堂樓下、又近巴士站,佔盡地利。

事實是四強止步,最後敗給主催落區回收的二手書店。
勝負關鍵, Kelvin這樣分析:「其實大家個類型太唔同,我哋個計劃係好實在嘅,但勝方就係一份對書本嘅浪漫……」
「接獲通知輸咗嗰刻,我食緊飯,個心沉咗一沉。」
電光火石間, Raymond即對 Kelvin說,「我哋真係要做。」
對,花了這麼多工夫,難道就因為輸了場比賽而不落實執行嗎? Raymond不甘。




店鋪對着時代廣場,希望能吸納高消費力客戶。


裝修不求人。


Henri每每親手包裝,蓋精美蠟印標記。 HH乃 Hey Home縮寫,設計成草葉標誌,簡約貼題。


店鋪鄰里為家庭影樓及性商店等, Kelvin說能起帶動人流作用,他們更鬼馬自製海報「開心完仲唔食番 D健康食品補充番」,哈,都是提神良品!

弊!條理甚詳的三十頁建議書,獨缺選址。
以為是最頭痛的這一環,又不盡然。
「有機食品,一定要開喺高消費力嘅旺區。」
躊躇滿志的小夥子,敲定曾多次登上全球最貴鋪租街道的羅素街──
樓上鋪,反正他們都剛投身社會,部分更另有專業工作,計過度過,撇除成本,三人合資,每人每月頂多蝕萬餘元,遂決定正式去馬!
沒了校園優惠租金庇蔭,他們慳得就慳,「搬運、裝修一腳踢,連地板都係自己鋪。」揼本置兩張雲石枱,一力扛上三層樓,「最攞命連雪櫃都自己搬,唐樓樓梯窄,極難轉彎,搬完上嚟我哋成面都係汗!」
實戰時,當然亦遇上建議書未能呈示的困難,「好似喺英國訂批貨咁,由 Supplier送去碼頭,碼頭再搵人送貨,又泊船費又 Forwarder又食物進口證……本來英國個船期話四星期到,最後要成五個幾星期,搞到我哋都遲咗兩個禮拜先開到鋪。」
猶幸有驚無險,開業個多月,已獲知名素食者垂青,說會在其暑假推出的新書中介紹他們的店。
而這也得賴他們備賽工夫之充足, Raymond說:
「之前我哋係搵本地供應商,知道好難同大型超巿鬥,咁啱我女友喺美國 Exchange,於是就着力自己直接搵英美有機公司,而家我哋賣嘅,九成以上喺香港無得賣。」
而且,他們的有機食品,更集中是有機的素食品,勝在形象鮮明。
無怪 Raymond今天說:
「輸咗比賽其實係好!千二蚊租到間鋪做老闆,會覺得無嘢輸。而家個機會同可能性大咗。」
輸粒糖,變間廠,勝負之間,實毋須過早蓋棺定論。




不飽和脂肪酸含量達 95.2%,優於橄欖油和茶油的有機榛子油。$138


來自美國的零卡路里、無糖、無脂肪沙律醬,有多款口味。各$55


代理美國 PB2,花生醬粉($65)食用時開水自調,低卡低脂。備小包試食裝(巧克力花生醬粉$12)。


來自英國的有機麥片粥,備水果麥片、三分鐘即食等不同選擇。$60-$76 Hey Home

地址:銅鑼灣羅素街 26號 3樓
電話: 2866 6095
營業時間: 12nn-10pm

撰文:吳佩璇
攝影:李日進

    tvb4life 發表在 痞客邦 留言(0) 人氣()