觀星羅生門

親子旅行有幾親?

Ads by Google

Iris與好友念慈相約外遊, Iris一心以為兩對夫婦四人成行,念慈卻大安主義帶埋兩歲的 BB,幾乎搞到拉倒,由此引出親子旅行究竟好唔好的辯題。



念慈:說好的暑假一起去美國兼探吓以前鄰居珍珍呢,你睇,我攞了很多旅行社親子團的資料,一齊研究研究吧。



Iris:(心裡暗叫不妙)咦?點解係親子團?你不是打算放低 BB給外婆湊,正好和老公享受吓二人世界咩?

念慈:唏,我為人父母點放心得落。
Iris:(想到要慢慢說服她)去到外地人生路不熟, BB有咩頭暈身㷫,豈非更加放心唔落?

念慈:所以我諗住跟團囉,方便啲嘛。
Iris:跟團交通食住行有人包辦,帶來一些方便;但行程欠自由, BB哭哭鬧鬧時團友不會給你好臉色看,構成的不方便已經抵銷番晒。況且,我們既然諗住去探在那邊工作的珍珍,怎可能跟團?

念慈:(開始動搖)咁……團可以唔跟。不過,正因為要探珍珍,她未見過我 BB,我好想俾佢見見。
Iris:哎呀,仲好講,上次我同個舊同學一家去台灣探 common friends,因為佢囝囝隨時話午睡,晚上又八點半就要上床覺豬,結果一行人陪住細路,拖累原定的約會,搞到朋友好失望──話時話,點解你不辭勞苦、又冒險都要帶 BB去旅行?

念慈:(心虛)增廣見聞嘛。
Iris:兩歲人仔有咩咁深刻的記憶?過兩年就什麼都唔記得啦。

念慈:佢大個咗唔記得唔緊要,啲專家話接觸新事物,當下已經有助刺激兒童大腦發展。
Iris:(苦口婆心)你想 BB多接觸新事物,在香港都大把啦,對於佢都係咁新鮮,唔一定要漂洋過海咁辛苦。

念慈:我都知……弊在我老公囉,其實係佢話 BB出年要考幼稚園,外遊影多啲相同拍多啲片,可以做靚個面試 profolio喎。
Iris:在 profolio炫耀周遊列國咁大花筒,可能適得其反。想入好學校,應該嘗試交出其他小孩無、或者無咁容易有的經驗──比如對環境保育的關懷、甚至做義工等,以個性取勝。

念慈:(如釋重負)係喎!其實在港湊 BB一直好大壓力,我都想趁機會鬆一鬆,我決定了!今次唔帶住──話時話,咁你認為孩子幾多歲才帶去外遊先至適合?
Iris:(感慨)念慈你回憶吓,我們這一代首次出遠門是在幾歲?還不是長大了才節儉地去自助遊,先至更體驗到風土人情;新一代太寵壞了,不用急在一時。在我看來,所謂親子旅行,應該是我們陪伴番老爸老媽去享受晚年,別忽略長者,豈非更有意思?

作者介紹

Iris和 Arke是希臘神話裡一對孿生姊妹,托生今世成為本欄主持人,為大家解決情場和職場種種難辨錯對的羅生門事件。
Iris:善良正直的 OL,擅長心理測驗和分析。
Arke:敢愛敢恨的辣妹,擅長星座占卦。

本期撰文: Iris
插圖:朱桂葉
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()