《仙樂飄飄處處聞》於香港公演一個多月,多首經典金曲好似《 My Favorite Things》、《 Do-Re-Mi》等等,都可以再次聽到,集體回憶之選。

大舞台

踩入《仙樂飄飄》現場

Ads by Google

多得 Lady GaGa年頭喺奧斯卡頒獎禮上,精彩演繹《仙樂飄飄處處聞》嘅經典金曲,令好歌再次翻生。
家傳戶曉嘅音樂電影《仙樂飄飄處處聞》 1965年上映,今年剛好係 50周年,經典金曲《 Do-Re-Mi》、《 Edelweiss》等等,一響起人人都識唱。今年《仙樂飄飄處處聞》舞台劇再次喺香港演出,換上南非籍女主角,以及一班喺香港選拔出來嘅小演員,用歌聲為呢齣長青舞台劇注入新鮮感。
五十年不變,你信唔信呀? Julie Andrews都老咗咁多啦。

女主角:「 Julie Andrews無可取代」


Carmen話細個睇過《仙樂飄飄處處聞》,最鍾意聽《 Sixteen Going On Seventeen》,當時無諗過自己會成為舞台劇演員,仲飾演女主角。

《仙樂飄飄處處聞》電影版當年於奧斯卡金像獎中獲得 10項提名,最後贏得包括最佳影片、最佳導演在內的 5項大獎,音樂劇一樣受歡迎。今次倫敦帕拉丁劇院來港演出,女主角係 25歲、南非籍嘅 Carmen Pretorius。 Carmen飾演家庭教師 Maria已經一年半,巡迴南非、新西蘭、中國多個地方。適逢今年係《仙樂飄飄處處聞》電影版 50周年,可以參與演出別具意義。由 Juile Andrews飾演嘅角色太深入民心, Carmen都不諱言好大壓力:「這角色被一個那麼有代表性的人演繹過,我要把觀眾的期望放在心中,觀眾會期待看到她的影子。但我們彩排時會把 Maria這角色分析,然後再把自己代入,我必須找到自己演繹方法。我當然有看過電影,舉手投足之間總有一些她的影子,不過我沒有刻意去抄襲她,這一點我要非常感謝導演的幫助及意見。」

18香港小演員擔大旗

《仙樂飄飄處處聞》中最討人喜歡是上校家中的七位小朋友,劇團每到一個地方巡迴,都會選拔當地的小朋友做小演員,今次香港就有 18位小朋友被選中,佢哋會輪流演出。因為時間關係,佢哋只有兩個月時間彩排,導演出咗名嚴格,舞台上每一個走位、每一句歌詞都要做到絲毫不差,過程非常艱辛。隨劇團來到香港演出、飾演大女 Liesl嘅 Ami-Rose Barber,對於呢一班細佬同妹妹讚不絕口:「我很喜歡跟他們合作,我覺得他們很有活力,很有才華,過去一年多我跟不同的小朋友合作,他們都非常乖巧,就像天使一樣,非常歡迎我們劇團,令整個劇團更有生氣,表演當然更加生色不少。」




大女 Ami-Rose(左上一)話一家人感情好好,鏡頭下一班小朋友圍着幾個大人轉,一時話要帶佢去海洋公園,一時又話要帶佢食海鮮,細細個就識盡地主之誼。


一班小朋友除咗學舞台上嘅知識,導演要求佢哋嚴守紀律,例如要同人打招呼、唔可以遲刻等等,品德上同樣重視。


上校同 Maria嘅一段情觸動人心,飾演上校嘅 Mark Rayment好有經驗, Carmen都話偷不少師。 經典劇目陸續有來

除咗《仙樂飄飄處處聞》之外,嚟緊仲有好多響負盛名嘅音樂劇上映,劇迷準備撲飛。

《 Singin' In The Rain》


於九月底公演, VIP雨中體驗區的贈品是黃色小雨傘,實在容易令人聯想到一些敏感議題。

改編自電影《 Singin' In The Rain》的同名經典音樂劇,在 2002年於香港公演過後,今年九月將再次來港。劇中的金曲如主題曲《 Singin' In The Rain》,都會足本演出。電影中男主角在雨中邊唱邊跳舞這精彩的一幕,今次亦會在舞台中呈現,製作團隊運用 1萬 2千公升清水,鋪設長約 800米的喉管,連接 10噸的儲水槽,及巨型的過濾系統,製作出現場豪雨效果。坐前三行「雨中體驗區」的觀眾保證濕身,好彩主辦單位早就準備好雨衣俾大家。
日期: 9月 25日至 10月 11日
場地:香港演藝學院歌劇院
門票:$445至$995,分為 VIP雨中體驗區、 VIP標準票價及其他
查詢: 3759 7617

《美女與野獸》


男女主角早前去到澳門宣傳,即場唱出劇中嘅主題曲。

迪士尼電影《魔雪奇緣》令全球吹起一股公主熱,個個小朋友都話要做 Elsa。其實迪士尼嘅公主何其多,好似《美女與野獸》,嚟緊呢套經典音樂劇將會登陸澳門。演女主角 Belle嘅 Hilary同飾演野獸嘅 Darick,巡迴三年已經演出超過七百場, 6月開始佢哋會展開為期 6星期嘅演出。除咗耳熟能詳嘅主題曲《 Beauty and the Beast》之外,仲有幾首屬於舞台劇嘅新歌,迪士尼 fans一定要朝聖。
日期: 6月 13日至 7月 26日
場地:澳門威尼斯人劇場
門票:$280至$680
查詢: http://www.cotaiticketing.com 

撰文:關錦雯
攝影、攝錄:陳偉傑
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()