被領養後兩年,哥基 Carly(最前)已變得非常活潑,也肥了一個碼。

寵物家

哥基悲歌

Ads by Google

哥基犬,連英女皇都鍾意,腳短頭大有齊一切可愛元素。最怕人類貪得意,一窩蜂去買狗,不再時興時,立即棄養,傷害無辜。
以為「香港哥基家族」是鼓勵大家養哥基,誰不知創辦人 Connie在 fb專頁立下版規,所有兜售哥基、尋找配種、買狗查詢的貼文一律封殺。「我隻哥基 Carly曾是別人的一件禮物,後來被棄養,我又點會叫人買狗!」被棄養而自卑的 Carly,與其他狗夾不來,「唔緊要,我哋就係佢家人。」

由禮物變地底泥


哥基四肢短小,身形卻不小,因此關節壓力很大,也容易患腰椎間盤凸出症。

為搏人一笑,不少人會以可愛的狗仔貓仔兔仔做禮物。不少動保團體指出每逢大時大節後,特別多棄養個案,更有不少是名種貓狗。
今次的狗狗主角 Carly,就曾是一件禮物,可惜「拆禮物」的人不喜歡, Carly即被送走。幾經辛苦為牠找到暫託家庭,但 Carly卻與暫託家庭的狗狗夾不來而大打出手,輾轉間, Carly被送到狗場。 Connie在網上見到 Carly的待領養啟事,於是到狗場探望牠。「狗場衞生情況好差,一見到 Carly,雖然佢有啲污糟同臭,但都好開朗天真。我諗住開車門拎嘢,佢竟然一下就跳上車,好似講緊我準備好跟你哋返屋企咁。」緣分天註定,三次探訪後, Connie就將牠帶回家。

多次轉手心靈受創

Carly被多次轉手,身上的晶片和在漁護署登記的狗牌仍屬第一手主人, Connie想為 Carly追查病歷都難。「我唔係狗牌持有人,唔可以為 Carly簽醫療文件,追咗狗場好多次,都無結果。最後我拎到 Carly第一手主人電話,對方以為我想騷擾佢,經過解釋後,對方先同意放棄狗牌,我仲要親自拎份文件俾佢簽。」 Connie兩個月來頻頻撲撲,帶 Carly絕育、打針、杜蟲。 Carly雖然身體無大礙,但原來心靈早已受創。有次 Connie去旅行,將 Carly放在朋友家, Carly竟再次和其他狗打交。「我向傳心師查問,佢話 Carly以為自己又被遺棄,因自卑而發惡。」




Carly以前真係無咁靚女,幸好現在變得肥肥白白。


哥基的原種是牧羊犬,需要的運動量非常大,主人話佢哋無時停,玩足兩個鐘都唔攰。


有說標準的哥基頭頂上應有一束白毛,但 Carly卻沒有。「所謂標準只係按比賽犬的標則,我就覺得 Carly好靚喇。」 恐電影掀哥基熱


「香港哥基家族」經常舉辦聯誼活動,亦有助曾被遺棄或在繁殖場救出的哥基重新投入生活。

因為 Carly, Connie結識了一班同是養哥基的人,發現不少哥基都曾被遺棄,後來 Connie成立「香港哥基家族」。「一來係為咗方便搞活動,二來就可以 share吓哥基健康資訊,例如哥基因身體結構關係,特別易出現關節問題,不能經常蹦跳,但佢哋又精神旺盛,需要好大運動量。」說到哥基的問題,最痛莫過於生育,哥基一般都須要開刀剖腹才生育到,無良繁殖商不理哥基死活,逼牠們生完又生,生到第三、四次後,死的死,有嚴重健康問題的就丟到一邊。「我哋個會好反對大家買狗。嚟緊有套新戲《哥基王子》上映,我哋就好擔心拍得哥基太可愛,會掀起另一次哥基熱,然後又有棄養潮。」

矮仔賽跑

下月寵物清潔用品品牌 Hyginova將聯同香港哥基家族、商店爪子大本營,舉辦「第一屆香港哥基慈善短跑競賽」,受惠機構包括香港導盲犬協會及 Linda Cat and Dog House流浪狗場。
日期: 6月 7日
地址:荃灣柴灣角街 29-33號 2樓 Doggie Kingdom
查詢: https://www.facebook.com/events/690771741069297/ 

撰文:吳韻菁
攝影:、攝錄:梁炳權
場地提供: Doggie Kingdom( 3628 3530)

    全站熱搜

    tvb4life 發表在 痞客邦 留言(0) 人氣()