德國實測

第壹 tech

漫遊任用  WhatsApp講電話無限制

Ads by Google

手機用即時通訊 app溝通,差不多是智能手機指定動作,雖然現時即時通訊 app的選擇多,但在香港始於最多人用的是 WhatsApp。
最近 3HK推出針對 WhatsApp的數據組合計劃,除了本地有月費計劃任用之外,外國漫遊都只需每日$48,更可以任打 WhatsApp電話,直情當埋 IP Phone用都得,究竟有幾抵用?有無陷阱位?今期話你知。

WhatsApp當電話用?


3HK推出 WhatsApp數據組合增值計劃主要分為本地及漫遊兩種,本地月費$18,而漫遊日費則優惠價$48,全部都無限速無限 WhatsApp數據任用。

今次 3HK推出的 WhatsApp數據組合計劃,無限用量兼不限速,又支援 WhatsApp的語音功能,是否連通話分鐘都慳埋,直接用 WhatsApp取代傳統電話語音?其實現時 WhatsApp的語音功能仍有待改善,同時亦會因網絡問題而出現遲窒,要重複講幾次對方先聽到,長期用好易無晒朋友。

本地海外都得

3HK早已推出 WhatsApp數據組合增值計劃,只需$8月費就用得,不過只限經 WhatsApp傳送文字訊息、照片、影片及錄音,不另扣數據。而新計劃月費將會提高至每月$18,新增支援 WhatsApp新加入的語音功能。
最抵玩是漫遊 WhatsApp數據組合增值計劃,每日$48(優惠價)就可在全球 151個國家無限使用 WhatsApp,包埋 WhatsApp打電話。兩種服務無論使用的月費有無數據用量都可以申請,甚至儲值卡都一樣得,而且並無限制數據速度。

SmarTone都有


SmarTone都有 WhatsApp數據任用服務,不過限制速度最高只得 384kbps,傳相、語音訊息都比較慢。

其實除了 3HK, SmarTone亦有名為「貼心智能手機計劃」,月費$60,同樣是任用 WhatsApp數據,月費包埋 160通話分鐘(另有 500網內通話分鐘)。而 3HK及 SmarTone的 WhatsApp計劃都有數據包底,前者有 5MB,後者則有 10MB。

海外最抵

比較同為 3HK的「自遊 Roam數據漫遊」計劃,雖然可以在外地任用數據服務,但每日收費要$268,如果旅行一星期,就算頭尾兩日不上網,五日就要花$1,340,但如果選用漫遊 WhatsApp數據組合增值計劃,只需$240就搞掂。加上在漫遊期間用 WhatsApp打電話、傳相、傳語音訊息都毋須另收費,明顯抵用好多。唯一要留意的是申請漫遊 WhatsApp數據組合增值計劃時,最好主動要求網絡商停止手機其他 app數據用量,但此項設定會令 WhatsApp失去提示新訊息功能,外遊期間要自行開 WhatsApp睇有無新訊息。




3HK的 WhatsApp數據組合計劃只屬增值服務,而 3HK最平的月費計劃都要$128,而且已經任用數據,所以作用不大。


如果買儲值卡供老人家用,又是用 Android手機及 WhatsApp數據組合計劃,最好先到設定〉資料用量內,限制 WhatsApp以外所有程式用流動數據上網。


Android手機有不少背景程式會使用流動數據,只得 5MB或 10MB包底,好易超出數據用量。 月費客未必用

至於本地方面,由於此計劃要配合上台月費或使用儲值卡,前者必須至少申請最平$128的 3G限速無限上網月費計劃,由於月費計劃已有限速無限數據用量,所以除非經常用 WhatsApp打電話,否則用途不大。至於後者則比較適合老人家使用,只要限制儲值卡只能用 WhatsApp上網即可,但同漫遊時情況一樣,要開 WhatsApp先知收到新訊息,要老人家經常開 WhatsApp睇新訊息,好難實行。如果你覺得設定數據限制不方便,計劃內亦設有 5MB數據用量「包底」,但背景程式不斷更新消耗數據的話,隨時幾日就用完。







話你知

外國亦有名為 ChatSim的 WhatsApp專用 SIM,最大好處是只需 10歐元(約$86)即可一年內任傳文字訊息,聽落好抵用,但語音通話、傳相、傳片都逐 MB計。

撰文:蘆甘
攝影:劉耀祥(德國)
mailto:features@nextmedia.com

    全站熱搜

    tvb4life 發表在 痞客邦 留言(0) 人氣()