側田與女舞蹈員一埋身,就好親密好 close,頂住嚟跳喎!綵排都咁肉緊,上台咪仲瞓身?

媽咪姐

側田排舞攝住咗

Ads by Google

 

自認花心未定性嘅側田,前幾年話為咗女友要向北移,去北京定居。轉個頭,就同女友分手,仲話咁快回歸香港,演唱會開完一次又一次,下個月初又開喇,所以話始終都係香港好㗎啦!


年紀大?側田有啲虛喎!

呢日媽咪姐見得閒,咪去排舞室探吓佢,順便八卦下演唱會有乜必睇位囉。真係唔睇猶自可,嘩!睇見側田跳到大汗疊細汗,又攬又 fing,同位女 dancer愈跳愈埋,側田條腿仲伸埋入對方髀罅,真係睇到媽咪姐個心仔「卜卜卜卜」咁跳呀!




側田唱功係幾好嘅,仲要表情多多,睇佢排舞就知啦!


好好哋練打鼓唔得嘅,側田想用腳表演,但似乎條腿唔多夠長,用手托起都好勉強吓。


向來都冇乜肌肉嘅側田,講起修身,佢即摸吓自己個啤酒肚,睇「晒士」應該同腹肌冇緣喇!


5年前側田同韓籍女友愛得痴纏,仲話同女友去北京定居,最後咪又係分手收場。
壹傳媒互動有限公司 版權所有 不得轉載

    全站熱搜

    tvb4life 發表在 痞客邦 留言(0) 人氣()