博出位

魔雪冰冰@康城

Ads by Google

又到一年一度嘅康城電影節,今年有唔少華語電影參展,女星們行紅地氈鬥搶鏡當然係必備嘅環節。內地嘅「雙冰」今年又喺康城交鋒,范冰冰其中一個花姨 look評語好壞參半,而李冰冰個《魔雪奇緣》 Elsa公主造型反而一致好評,真係令人眼前一亮。

李冰冰 孝順出巡

李冰冰着住國際名牌 Zuhair Murad嘅半透視粉藍晚裝,真係十足十 Elsa公主,一出場即刻秒殺唔少菲林。佢唔止樣靚,仲好有孝心㖭!今次佢出動私人飛機,帶埋李爸爸同李媽媽一齊邊工作邊遊埠。

范冰冰 花姨上身

另一位冰冰亦準備十足,帶足 N件戰衣出戰康城。樣嚟講范爺梗係冇得輸,不過品味就認真獨特,其中一件 Marchesa嘅花仙子裙(小圖),原本已經夠 sharp,加上頭上嘅花環,真係忍唔住叫佢一聲「花姨」,連佢自己都話自己「好看」㖭!

張馨予 大媽風味

講到重口味,一定非張馨予莫屬,開幕禮一條東北棉襖大花圖案拖尾裙「艷」壓全場。被封「東北農村美人」嘅佢一於少理,嚟到法國梗係要血拼,同場加映踎街,盡顯強國大媽本色。

舒淇 自然女神

今次舒淇為咗新戲《鬼吹燈之尋龍訣》去咗康城宣傳,日前喺海邊出席記招,舒淇呢個純白加乾濕褸造型的確係自然又省鏡。嚟到風景咁靚嘅康城,佢仲不忘跑步㖭!

    全站熱搜

    tvb4life 發表在 痞客邦 留言(0) 人氣()