JUNIEL想繑鄭容和手臂,點知俾對方 fing開,佢冇尷尬,但鄭生忍唔住笑。

出外埠

李洪基、鄭容和好艷福

Ads by Google

一連兩場嘅 FNC家族演唱會話咁快又開完喇!之但係李洪基同鄭容和真係好艷福呀!唔只玩到 high,李洪基唱唱吓歌,台下有 fans忽然掟咗半打黃色 bra上台,佢冇嚇親仲行埋堆 bra度踎低慢慢揀。之後拎起其中一個放喺胸前,不過就上下調轉咗,睇嚟唔多熟手喎!

到鄭容和同小師妹 JUNIEL合唱〈傻瓜〉,鄭生忽然搞事,撩 JUNIEL起身跳舞。小師妹又繑又挨又錫手背,之後仲摸鄭容和頭髮,搞到佢緊張到硬咗,唱到亂晒,最後要用笑遮醜,推 JUNIEL坐番埋位,咪再搞佢。早知係咁,就咪去搞小師妹啦!




之後 JUNIEL仲想錫鄭容和隻手,嚇到佢向後褪。估唔到依家啲女仔都幾主動喎!


趁住開家族騷,鄭容和出席埋品牌活動。咦,呢個 brand不嬲由李敏鎬代言,唔通想換人?


Fans掉咗一堆黃 bra上台,李洪基仲逐個執起嚟睇,又擺上身度 size,睇嚟好滿意 fans送嘅禮物喎! 

    全站熱搜

    tvb4life 發表在 痞客邦 留言(0) 人氣()