指原莉乃早前因為被指同男粉絲𠵱挹,令形象受損而下放到 HKT48。佢梗希望藉今次總選令人氣大翻身。

出外埠

指原莉乃出招爭獎

Ads by Google

下個月 6號就係日本 AKB48「第 7屆 AKB48總選」之期,據傳除咗將畢業嘅小嶋陽菜,同埋喺握手會被砍傷嘅入山杏奈冇報名外,已有 272個家族成員會參賽。包括早前開晒咪話唔參加嘅指原莉乃唔嫁又嫁,睇嚟佢對上屆輸俾渡邊麻友,自己屈居老二仍然好唔順氣,所以今次指原好戮力到處拉票,仲話若今次得到冠軍,佢會倒奶謝票喎﹗

查實為咗成為人氣王,所有姊妹都各出其謀,指原日前就喺自己嘅推特放上為《週刊 YOUNG JUMP》拍嘅寫真封面造勢,仲話﹕「呢次一定要在家鄉福岡奪回總冠軍寶座。」嘩,大口氣得佢吖﹗




為《週刊 YOUNG JUMP》拍嘅寫真集要今個月 28號先出街,但為拉票,指原率先喺 Twitter上載其中一張性感相,得到網民大讚話「比壇蜜更正!」真係飲得杯落啦!


指原對上屆總選輸俾渡邊麻友(右)屈居老二,一直耿耿於懷,呢次誓要奪得人氣王寶座。 

    全站熱搜

    tvb4life 發表在 痞客邦 留言(0) 人氣()