48歲嘅蘇菲瑪素,曾經係法國玉女,亦都闖過荷里活做邦女郎,身材樣貌都 OK㗎,周日( 17日)出席首飾 party時更不慎露乳暈。

歐洋風

康城盡帶好春光

Ads by Google

一年一度歐洲影壇盛事康城影展舉行得如火如荼。但問心吖,十套電影着咗九套都未喺香港上映,想關心都關心唔嚟!
實際啲,睇番明星咪算囉。今年一如既往衣香鬢影,一眾女星仲唔知做乜,輪住走光,為漸熱嘅康城添上一層旖旎風光。

蘇菲瑪素盡地主之誼

法國女星蘇菲瑪素係今年康城影展嘅評審,唔知係咪想盡地主之誼定太過「好客」呢?佢先後兩次走光,上下一應俱全,睇完真係唔使打麻雀嘞。
其實蘇菲不嬲係紅地氈常客,照道理好叻防走光至係。但綜觀往績,佢幾乎隔年就出事,頻密程度係女星之冠。難得佢唔多介意,年年如是不知「收斂」,只係難為大家眼睛疲勞啫。




2005年,同樣都係康城,蘇菲半邊裙跌落嚟,左乳見晒街。


未露暈之前,蘇菲早於周四( 14日)露出成條肉色大底。一個影展可以走咁多次光,睇嚟佢就快入健力士。


影后意外透底

憑《黑天鵝》封后嘅妮妲莉寶雯,以黑色短裙出席電影記招。條裙本身係薄紗料,透底機會極高,如企定定,薄紗「積」埋一箸都過到骨嘅,但微風一吹……喂, hello呀底底,好耐冇見呀!妮妲莉就係咁失咗守囉。







戴安古嘉自己攞嚟走光

阿媽教落,女仔着裙就唔好咁大動作。《希魔撞正殺人狂》女星戴安古嘉日前着咗條超短裙出席記招,企定定影相咪好囉,佢硬要擒上高牆坐低,結果大底露晒出嚟,仲要紅色㗎,去打牌必定大殺四方。







愛瑪史東 都是怪風惹的禍

新一代「蜘蛛女」愛瑪史東,上個月同新蜘蛛俠男友分咗手。冇愛情滋潤嘅女人,應該好憔悴吧?事實又唔係喎,着住喱士裙嘅愛瑪不知幾 sharp醒。可惜怪風一吹,噢,打底裙、白滑長腿盡現眼前,同場附送佢嘅驚嚇樣,夠晒娛樂性。







名模風騷行股惑

名模 Miranda Kerr上兩年同影星老公奧蘭度布林離婚。雖然曾同富商傳過緋聞,但都係煲水居多。渴望愛情嘅佢梗係要着到成隻彩雀咁收吓兵啦。今次康城呢條裙大 deep V大高衩,裙襬輕輕一揚,股邊若隱若現,勁誘惑。







撰文:娛樂組

    全站熱搜

    tvb4life 發表在 痞客邦 留言(0) 人氣()