李逸朗北上發展,四年內拍了五套內地劇,穩坐「男二」之位。去年他回流發展,近日更「升呢」投資百萬開學校。

娛樂喧

儲百萬開學校 李逸朗爆 seed追朱晨麗

Ads by Google

李逸朗( Don)早前翻唱哭腔版〈傻女〉,加上他與朱晨麗傳出緋聞,令他人氣急升。外界以為李逸朗「越級」追朱晨麗之際,其實他五年前已北上發展,每年搵百多萬人仔。最近他投資七位數在九龍塘開設兒童學校,三個月內達到收支平衡,現更希望再開分校。雖然有傳朱晨麗拜金,不過李逸朗都唔失禮,難怪有膽「越級」挑戰。

外界一直覺得李逸朗同朱晨麗唔襯,認為李逸朗事業發展麻麻。不過,原來他 2010年北上發展,四年內已拍了五齣內地劇,單是拍劇已年賺百萬,絕對符合「拜金港姐」朱晨麗要求。「佢去咗內地發展,雖然唔係一線小生,但勝在密密接,又唔大使,所以都儲到個錢。」知情者說。
難怪被問影到與朱晨麗返公屋愛巢時,李逸朗話:「佢(指朱晨麗)係嚟食飯,我哋喺朋友聚會認識,依家係發展中。(係咪見家長?)好多朋友都有上嚟。(父母對佢有乜意見?)我冇問喎!」不過,李逸朗後來承認現時搬了出去租屋住。換言之,當日他帶朱晨麗返公屋見家長的味道甚濃。







朱晨麗被指以十五萬租住金鐘太古廣場栢舍服務式住宅,「拜金」形象更突出。


今年初李逸朗憑哭腔版唱〈傻女〉,人氣急升。 九龍塘開校

今年初李逸朗更將內地賺到的辛苦錢,投資逾百萬,在九龍塘開設三間兒童教育學校,其中兩間是加盟張堅庭的戲劇英語學校,另一間則是他個人的學校品牌「 Genesis Star」。李逸朗說:「 Genesis Star係我同朋友夾份開,辦學宗旨係要令小朋友開心,希望佢哋有個快樂童年,要笑住嚟學嘢。」
三間學校的課程包括英語戲劇、小朋友 DJ班、繪畫手工藝及親子班等,學費由六千幾至萬六不等。李逸朗說開校兩、三個月已達收支平衡。




李逸朗甚少參與打理學校事宜,每個月只會回校一次聽妹妹 Olivia(左)匯報。


位於九龍塘的學校,每個課室接近千呎。可以同時讓小朋友及家長一起上課。


導師在紅磡分校教導小朋友表演,和做小導演。


除了英語戲劇及小 DJ等課程外,學校更提供小朋友導演短片班,李逸朗及導演郭子健(圈)更會抽空出席,講解拍戲經驗。 胞妹打理學校


李逸朗四月舉行音樂會時,旗下一名三歲學生上台唱歌,表現淡定絕不怯場。

李逸朗投資兒童學校,除了看好這行業的前景外,也希望提供機會給現年 24歲的胞妹 Olivia學習管理。他說:「學校打理全部交俾阿妹,我一個月返來一、兩次開會,聽吓佢匯報。希望妹妹學習管理生意,然後管理自己嘅人生。」
對於父母現時與胞妹仍住在公屋,他說:「係呀!住公屋冇乜問題,我上年返來都係住公屋,每晚都係瞓廳。入行初期,因為日夜顛倒,我搬出去住,嗰時都係住 70呎嘅套房,同公屋差唔多,我覺得冇問題喎。依家我開間學校俾個妹打理,家人都好支持,只要學校做得好,就可以改善家人生活啦。」
李逸朗回流香港後,事業、愛情都有着落。咁開心,看來哭腔版〈傻女〉已經距離他愈來愈遠。

密密食狂賺

李逸朗北上發展五年,已穩坐「男二」之位,雖然酬勞唔多,但密密食都一年賺百幾萬。

電視劇(內地)
由 2010年起,拍攝了《終結杉計劃》、《大唐女巡案》、《江南傳奇十五貫》、《浪漫滿廚》、《愛嫁不嫁》 5套劇
共 158集@3.7萬一集
合共: 584.6萬

電影(內地)
《鄧小平在黄山》、《袁天罡之末日天劫》、《一路夢想》
@37.4萬一套
合共: 112.2萬

電影(香港)
《五個小孩的校長》(客串)、《踏血尋梅》(客串)
@3萬一套
合共: 6萬港元

廣告(香港)
華碩手提電話(平面廣告)、雀巢咖啡微電影、 Loreal男士護膚品微電影
@8萬一個
合共: 24萬

總數: 726.8萬港




《終結杉計劃》


《踏血尋梅》 隱形富星溝靚女

圈中不少男星被指越級溝女,其實這些「隱形富星」搵到錢都冇人知,絕對襯得起女星。

王祖藍
祖藍憑扮嘢在內地闖出「錢」路,出席一個電視節目已有半百萬人仔落袋。上年娶李亞男搞過百萬婚禮,都係濕濕碎。



朱少杰
郭羨妮 2011年嫁內地武指朱少杰,並育有一女,婚後郭羨妮幾乎淡出湊女,全因朱少杰是內地首屈一指的武指,令她可以全職湊女。



廖啟智
陳敏兒 87年嫁廖啟智時,是當紅花旦,不過婚後的陳敏兒卻全職做主婦,由智叔擔起整個家。近年智叔在電影圈更密密食,賺錢能力愈來愈強。

撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()