滾熱辣

徐少強娶嫩妻 雪梨獨養子女:我 delete咗佢

Ads by Google

原本計劃返內地拍劇的雪梨, 83年不理家姐米雪大力反對, 18歲做未婚媽媽,為徐少強誕下大仔徐偉棟, 87年再生細女徐穎堃。可惜不到一年時間,兩人最終於 88年分手。現年 50歲嘅雪梨, 27年來獨力照顧一對子女,未收過對方贍養費。徐少強十多年前則在內地娶了一名細自己三十年的嫩妻,又多生了一對子女,繼續懶理雪梨一家三口。
面對徐少強的薄情,雪梨多年來已看化。接受本刊訪問時,她表示:「其實我最遺憾嘅,係子女最需要我嘅時候,我唔喺佢哋身邊!」兒子徐偉棟更唔客氣,寸爆父親:「佢溝女最專一!」

有線早前找雪梨母子三人,同赴新加坡拍《帶阿媽去旅行》,鏡頭前場面溫馨,背後卻是一個悲情的單親家庭故事。雪梨被問到徐少強多年來有否俾贍養費供養子女,她苦笑:「我唔想答呢個問題!」坊間一直以為雪梨和徐少強離了婚,但原來他們根本冇結過婚!
雪梨生完仔之後,徐少強曾應承和她註冊結婚,但臨簽字時,徐少強才表示「忘記」帶自己同前妻的離婚書。雪梨現時只表示:「對於自己嘅選擇,我冇後悔。我係睇錯咗,睇錯咗都冇辦法㗎,唔通挖自己對眼出嚟呀!我已經 delete咗呢個人!」
其實雪梨對徐少強不欲多言,原來與「哎吔奶奶」(徐少強母親)有關。雪梨話:「喺十幾年前,佢媽媽求我唔好再講佢個仔,因為徐少強個形象已經好負面。我應承咗佢,因為我都係人阿媽,所以我理解佢嘅諗法。」




徐少強同雪梨分手後,女伴不絕,但對雪梨一家從無照顧。十多年前,他更娶內地嫩妻,婚後育有一子一女。


拍片撻着徐少強 82年拍電影《養鬼》時認識雪梨,翌年雪梨為他未婚產子,誕下徐偉棟。 徐偉棟:爸爸係壞榜樣

徐少強多年來對雪梨一對子女未盡過父職。講到父親,大仔徐偉棟寸爆說:「佢好專一㗎!好專一咁去溝女囉!同爸爸都有見嘅,有時佢會打嚟搵我:『喂!落嚟酒吧飲酒啦!』落酒吧係佢嘅興趣嚟!




喜極而泣在有線節目《帶阿媽去旅行》,徐偉棟表示會努力工作,希望可以買樓與阿媽同住。雪梨聞言,喜極而泣。


阿哥怕青蛙徐穎堃帶雪梨同徐偉棟去捉青蛙。雪梨話自己細個都捉過,反而徐偉棟就嫌肉酸,唔敢捉。


親親海豚雪梨最開心就是同仔女落水摸海豚,她對住海豚又攬又錫,認真唔客氣。


雖然徐少強很少照顧徐偉棟兄妹,不過兩兄妹近年同徐少強時有見面。

「一出世佢就扱咗個印喺我塊面度嘞,係咪先?都要多謝佢嘅,我演藝工作有個好開始都係因為爸爸嘅關係。只不過佢係一個壞嘅榜樣囉!我好想成功俾佢睇,等佢睇吓一個佢冇照顧過嘅小朋友,可以好成功,話佢聽,佢離開咗我哋,我哋都會成功嘅!」
細女徐穎堃就話:「我希望阿媽可以我為榮囉!」




雪梨一向予人硬朗形象,不過講到當年在台灣拍戲掛念子女時,就相當無奈。


姊妹和好米雪當年反對雪梨做未婚媽媽,更因而嬲了雪梨多年。米雪對此直認不諱:「佢係都要堅持(跟徐少強),我梗反對,做家長係咁㗎啦!」


日本蜜遊十多年前,雪梨帶同一對子女去日本旅行。此後她與子女各有各忙,直至早前才有機會一家旅行。 徐穎堃:唔識同媽咪相處


在《尋秦記》,雪梨曾與雪兒及宣萱,一同爭古天樂,電力十足。

因為有線節目造就雪梨一家三口十多年後再次去旅行。原來雪梨 88年帶同子女移民加拿大後,為了搵食她一個人回港拍劇,有六年時間與子女的感情主要靠長途電話維繫。
雪梨話:「我最遺憾嘅,係子女最需要我嘅時候,我唔喺佢哋身邊。試過一次我喺台灣拍戲,我瞓瞓吓醒咗,突然諗起一對仔女,真係好唔捨得佢哋。我不停問自己,點解要一個人咁辛苦呢?嗰陣忍唔住喊咗出嚟!」
為了搵食,雪梨試過有三年冇探過子女,因此與子女產生隔膜。徐穎堃話:「我哋兄妹喺加拿大由外婆同二姨照顧。 13歲時我問二姨:『點解我哋要移民嘅,點解爹哋媽咪又成日唔喺我哋身邊嘅?』二姨只係叫我唔好問咁多,話等我大個就會明。因為我哋成長時媽咪唔喺身邊,老實講,依家我真係唔係好識同媽咪相處。」
雖然不懂相處,雪梨同子女其實都很着緊對方。現時雪梨一家三口同家姐米雪同住,米雪話:「當年每次雪梨返香港,偉棟同穎堃都會寫一封中文信,俾阿媽搭飛機時睇。佢哋當然錫阿媽啦。(子女同徐少強關係點?)都錫老竇,阿哥都有探老竇班。我哋教小朋友一定要孝順,無論大人係點都好。」
徐偉棟表示會搵錢買樓,之後同阿媽一齊住,又承諾以後每年一次家庭旅行。始終是一家人,時間可以把親情串連起來。

風流男唔理仔女

圈中大把風流男人,為咗自己風流快活,連老婆仔女都唔要!

徐少強揀嫩口
徐少強拍電影《養鬼》時,同 17歲的雪梨撻着。雪梨跟了徐少強六年,其間徐少強一直有其他女朋友。十多年前他再娶細自己三十年的嫩妻。



成龍不聞不問
98年,人夫成龍搭上吳綺莉。翌年吳綺莉懷有龍種,並直認經手人係成龍。如今吳卓林 15歲,多年來成龍對女兒不聞不問。



莫少聰拒認子
97年,已有一名多年女友的莫少聰,與洪欣撻着。洪欣更為他未婚誕下莫鎬廉。可惜莫少聰都冇認過個仔,洪欣與張丹峰結婚後,囝囝亦改名為張浩鋒。



竇唯棄舊愛
竇唯為戀王菲,即棄拍拖 4年的女友姜昕。與王菲婚後兩年,竇唯搭上攝影師高原,王菲 99年與他離婚,自此竇靖童隨母生活。

曾與張國榮拍拖

14歲的雪梨夥拍周潤發在《親情》中嶄露頭角,其後電視劇及電影兩邊走。除了徐少強之外,雪梨曾經有三段情緣,其中包括「哥哥」張國榮。



張國榮
兩人 79年在 Disco認識,一年後在慈善籃球賽記招上重遇,隨即開始拍拖。不過兩人因為性格不合,拍拖半年便分手。



大學講師
雪梨因拍舞台劇《日出》,跟浸會大學傳理系講師盧偉力(圖)撻着。兩人於 97年訂婚,可惜最後戀情無疾而終。

大台武指
00年雪梨搭上大台武指,因為該名武指生性風流,兩人最後於 02年分手。

撰文:娛樂組 
攝影:攝影組
化妝: Yvonne.A
髮型: Amber Tse@Alchemy
服裝: Electric Sekki、 Cocurata、 Nanushka、 Official minkpink場地:荃灣如心酒店

    全站熱搜

    tvb4life 發表在 痞客邦 留言(0) 人氣()