C AllStar扮喪屍拍MV

近日股市急升,樓市亦被帶動下樓價屢創新高,一班冇殼居民上車愈嚟愈難。C AllStar成員陳健安(安仔)就作了一首〈上車咒〉寫盡香港人窮一生搏命搵錢只為安居樂業,反映為「上車」的辛酸史,早前搶先網上登場的歌詞版MV,

Ads by Google

無限Loop「買樓買車買樓買車買樓買車」歌詞掀起網友熱話,引起共鳴。日前C AllStar就到由中環、銅鑼灣、跑馬地、北角、美孚、深水埗到將軍澳等住宅區取景,額頭貼住黃色「上車咒」符咒,表情肅穆,整齊劃一的慢動作舞步橫過馬路。又在人群中跳「道士舞」作法,甚至周街散溪錢動作,雖然散的只是道具圖畫紙,亦難免要講句「啋,大吉利是」,好彩導演嗌cut機四子立即「回魂」執錢,否則仲要被罰千五,逐張計都幾和味! 不過他們最譜是貼住符咒去茶餐廳開餐,食客百無禁忌,還大一位婆婆搞笑叫他們要好似殭屍跳,彈吓彈吓跳才是「正宗」,婆婆可能是「殭屍先生」的忠粉。

 

 

包辦作曲和詞的安仔感歎,說:「呢個世代上車真係好難,我哋四個都有排未上到車,好想紀錄呢個咁艱難既日子,寫出大家既心聲,要博晒命,做到病仲要借錢先至可能上到車。」

 

安仔解說這首歌最初是〈上車「奏」〉後來覺得「咒」字更適合。

 

 

Jase說:「我哋扮喪屍,就好似為買樓搞到啲人好似行屍走肉咁,無晒靈魂,只係識搏命搵錢。剛才在中環跳舞既時候,有個婆婆仲叫我跳吓跳吓先似,我諗佢以為我哋拍殭屍片。」

上車咒 MV

    全站熱搜

    tvb4life 發表在 痞客邦 留言(0) 人氣()