寵物家

香港狗罐頭

Ads by Google

杞子燉雞、南瓜沙甸魚頭、雞牛糙米菜,罐頭口味有成廿幾種,無味精無添加。以為係俾人食嘅?其實係寵物罐頭!不過食材級數達 human grade,連人都可食用,而且係香港本地品牌!
自創品牌背後,原來創辦人 April曾被某大英國寵物食物公司跣鑊甘。為生計,唯有發奮鑽研罐頭口味,終於闖出名堂。

中文標籤睇得明


品牌名稱「 Kakato」是新西蘭毛利語,代表美味的意思。乾糧系列的蔬菜、肉類、魚類全部來自新西蘭,不含穀物、玉米、大豆,減少致敏機會。 

能夠想出「杞子燉雞」這款中式又補身的寵物罐頭,一定不是來路貨。初時看罐頭上寫住「 Kakato」,還以為是日本牌子,但罐上卻有清楚的中文成分和營養標籤,原來 Kakato寵物食品是由香港人創立。現時香港並沒有條例監管寵物食品,市面上的寵物乾糧或罐頭,包裝上的營養和成分未必完整,由於大部分寵物食品都來自日本或歐洲,有時標籤上只得一堆日文或意大利文,見到包裝上印上中文字,感覺分外親切。
品牌創辦人 April曾代理某英國寵物食品品牌,後來卻被該公司出賣。「數年前,歐洲發生一場寵物食物風波,多個牌子都出事,唔少貓狗得到嚴重腎病,甚至死亡。我本身做開與寵物有關的行業,覺得寵物食得健康係大趨勢,當時發現英國呢個品牌的罐頭成分天然,於是決定引進香港。」 April盛意拳拳飛到英國洽談亞洲總代理,將香港人完全不熟悉的品牌帶回來。「天然罐頭要賣十幾蚊,比起一般嘅罐頭貴三分二,我哋辛苦經營後,終於將佢打入主流市場。但後來英國公司竟然跟其他香港、內地公司簽訂代理權。努力白費,我唯有自己創立品牌。」被人跣一鑊,但仍然抱着打不死的精神, April創出更多特別花款的罐頭,又陸續推出乾糧和小食。

 

 


罐頭共有二十一種口味,有湯煮、啫喱、慕絲狀。慕絲幼滑的質地容易吸收,適合年幼或生病中的貓犬食用。 

一開罐,整個雞頭在內,足料到嚇親! 

所有用到的食材及比例都清楚列明。營養成分中的牛磺酸( Taurine)是貓咪必需的營養, 5kg的貓每日約需 60-80克牛磺酸。 

小食類有小牛頸、鹿肺片、豬肉腸等,無激素和病害,好健康。$88-$99 

狗食青豆易放屁

有寵物營養師指貓貓應該每日進食新鮮食物,主人如果無時間煮食,亦最好餵牠們吃品質好的罐頭,有助貓貓吸收足夠水分。不過市面上的寵物罐頭不是吞拿魚就是雞肉牛肉,罐罐味道差不多,質感都是一笪肉泥,加上罐頭食物的顏色都好暗淡,為保鮮而加入大量鹽和化學品,令肉質霉腍味鹹,不少寵物主人都覺得罐頭無益。
原來做罐頭的技術可以補救這些問題。「我哋嘅罐頭喺泰國生產。一般人會不明白,為何泰國製的寵物罐頭會比日本製的更貴,因為泰國做罐頭嘅技術比好多地方都先進。」為保持食物原有口感,廠商會將材料只煮到半熟,甚至有些材料是全生,入罐密封後再煮,保持到肉汁同質地,而且更保鮮,不用額外添加防腐。雖然多花款,但每罐罐頭的用料和口味, April都跟獸醫和寵物營養師研究過,例如蔬菜雖有益,但進食過多青豆會令寵物常放屁,而珍珠粟米芯就難消化,也會少用。


辦公室內幾隻跑跳不停的小狗小貓,都是 April領養的。餐餐食得咁好,難得仲 keep到個身形冇變肥貓肥狗。 

取於動物用於動物, April有見香港的公共交通工具都不准動物乘搭,於是出錢出力租巴士,乘客只要帶備一罐 Kakato罐頭就可以上車,費用全免。 

襯番 kakato的毛利語, April為每隻領養返來的貓狗都改了個毛利名,有 Purotu、 Ora等。 

小心有害添加劑

買寵物糧時千萬別只按口味作選擇,睇清楚成分標籤,有冇有害添加劑,先至夠穩陣!

 

(資料摘自:《貓咪這樣吃最健康》)


撰文:吳韻菁
攝影:梁炳權
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()