facebook@Teddy Bear FansInstagram@teddy_bear_fans 

U撈

分享 Teddy Bear的喜悅

Ads by Google

早前英國機構 Quacquarelli Symonds公布最新的 2015年世界各大學的學科排名,香港大學牙醫及教育系分別位列全球第 2及第 6位, Sophia與 Amy分別修讀這兩個學系,不要以為她們只愛讀書,除學業外,也有難得的童真,她們愛造 teddy bear公仔,並將興趣變成商機,推出 teddy bear材料包,分享製作 teddy bear的喜悅。

 


一路都鍾意 D.I.Y.啲小手作送畀男友,咁啱喺 instagram見到 Teddy Bear Fans有材料包賣,跟晒 steps就整到,好方便,整出嚟嘅 bear bear好得意! 

採訪當日, Sophia與 Amy向記者展示她們製作的 teddy bear,還示範製作過程,「我哋得閒就會整 teddy bear,材料主要係絨毛布,𠵱家約有 30隻,有時帶佢哋出去影相,佢哋啲關節可以郁,好得意㗎。」
Sophia與 Amy因對手作有興趣而加入美術學會,後發現同是 teddy bear的愛好者而成為好友,「我同 Sophia喺 art club上莊後識,傾開發現大家都鍾意 teddy bear,有共同話題好快就熟絡咗,之後我哋要幫學會搞活動,諗諗吓不如搞 teddy bear製作班,估唔到好受同學歡迎,開 3班都滿。」

自己製作說明書

眼見 teddy bear製作班受歡迎, Amy想讓更多有興趣的人士享受製作 teddy bear的樂趣,於是與 Sophia一同構思製作材料包,「自己整出嚟嘅 teddy bear唔捨得賣,於是就諗住整啲材料包出嚟,將需要嘅材料 pack埋再加上說明書。本說明書係最難搞,成本書 7、 80張圖要自己影,又要加 caption,仲要拜託身邊識排版嘅朋友幫手,都搞咗好耐。」
籌備了兩個月時間,在 13年 12月在 facebook及 instagram成立 Teddy Bear Fans, Sophia表示一開始都有點緊張,「裝材料嘅環保袋最少要訂 200個,有啲驚市場反應唔好,但對自己整嘅產品有信心,最後決定去做。我哋幫 teddy bear影相,之後放上 facebook、 instagram宣傳,盡量會約客人喺鐵路沿線交收,不過大多數都係郵寄。」
對於兩個初創業的新手,在經營期間撞過板、成長過, Amy覺得這是難得的經驗,「試過有客人交收時臨時失約,之後仲失蹤埋,嗰刻有啲失落,我同 Sophia商量完之後,決定要客人入數先,再執個材料包,咁就唔會嘥咗啲心機。」


每個材料包內有棉花、繡花線、眼珠、絨毛布、紙樣、關節、說明書等,讓客人可以製作屬於自己的 teddy bear。35至 38cm大熊$188/ 15cm小熊$158 

每個材料包都附有製作說明書, Amy表示︰「每個步驟都要定喺度影相,幾花心機,自己整同教到人哋識係兩件事,整完都有畀朋友睇吓明唔明。」 

互相夾時間


Sophia與 Amy會不時商量為 Teddy Bear Fans推出新商品,「我哋每期熊仔嘅布款都會唔同,另外好似畢業帽同袍、花束等小配件,都係半年前先推出,希望有更多選擇畀客人。」 

材料包現時分 35cm至 38cm的大熊$188及 15cm的小熊$158,另有花束、領呔等小配件選購, Teddy Bear Fans每月約有 10至 15張訂單,月賺約$1,500。雖然賺得不多,但她們仍做得十分起勁,「屋企人見我哋咁認真去做一件事,都好支持我哋,喺分配時間上,我同 Amy因為讀唔同科可以互相夾到,邊個嗰期得閒就做多少少。客人有時唔明啲步驟會問我哋,我哋會教佢哋點做,好似朋友仔咁交流,做得好開心。」
對於畢業後的發展, Sophia與 Amy表示如無意外都是做回本行,「畢業之後我應該係做牙醫, Sophia會做老師,不過我哋都諗住將 Teddy Bear Fans搞落去,唔想放棄自己嘅心血,可能放假就抽時間出嚟整,不過要睇番當時嘅情況。」


撰文:曾志恒
攝影:黎韋邦

    全站熱搜

    tvb4life 發表在 痞客邦 留言(0) 人氣()