往赤徑途中, Tony在乾涸的溪澗上發現了中華相手蟹,立即向小朋友講解其特徵與繁衍環境,秉承「就地取材」的兒童自然教育原則。 

青雲路

西貢孩子王 帶小朋友親親大自然

Ads by Google

近日,補習社刊登了一幅「你不愛競爭?但競爭會找上你」的廣告,海報上的小女孩滿臉眼淚, hard sell怪獸家長參加 K1面試訓練班,承諾「讓孩子成為 interview之王」,引發全城熱烈爭論。然而,在西貢長大的 90後 Tony(馬文東),卻鼓勵孩子要與自然為伴,並舉辦親子自然教育活動,獲得一班拒絕催谷小孩的家長大力支持,這批家長不怕子女污糟、被太陽曬、被蚊咬,讓 Tony與子女一起親親大自然!

 

Tony一身黝黑皮膚,是這年多來舉辦自然幼兒教育活動的戰績,「生態導賞只有睇同聽,導賞員一面行一面將一大堆學術性嘅資料塞畀你,你只係知道多咗大自然,但冇切切實實感受過佢,結果好快左耳入右耳出。我想做嘅唔係生態導賞團,而係針對小朋友嘅親子自然教育。」
採訪當日, Tony於早上 9時開始,帶領一班家長及小朋友郊遊西貢土瓜坪及赤徑一帶,整個行程歷時 6小時,途中, Tony讓小朋友和家長收集銀葉樹果實,再拋擲至海中測試浮力,又帶他們到溪澗觀察淡水蟹和魚,親身感受大自然的氣息。

按季節性搞活動

Tony舉辦的自然生態活動並不是走馬看花的「邊行邊講團」,其涵蓋之廣隨時需要你上天下海。「大自然係一個按四季轉變主題嘅遊樂場,活動內容按大自然嘅節奏而定,春天去馬鞍山賞杜鵑、獅子會拾竹枝整竹笛;夏天喺西貢浮潛、玩獨木舟、沖浪;秋冬喺同小朋友去露營嘅最好時機。我絕對唔會搬個燒烤爐去沙灘一面 BBQ,一面叫大家親親自然。大自然唔係你開 party嘅自拍佈景板。」
「不時不做,就地取材」正是 Tony設計活動的最大原則,「當諗到一個主題後,我會去實地考察,睇下個 idea可唔可行,好多時會有所啟發,好似之前去深涌玩竹席滑草地及踩泥灘,都係我去完 pre-trip後先諗到,最後踩泥灘反應最好,小朋友雖然玩到污糟又喊晒口,但家長都認為呢個係前所未有嘅成長經歷。天氣你永遠估唔到,近排潮濕啲先有泥灘玩,平日即使唔開工,我都要不斷通山跑,去發掘同自然融為一體嘅活動。」


Tony向小朋友解釋盲蛛雖有 8隻腳、長觸肢,與蜘蛛相似,但牠不會吐絲,亦不如一般蜘蛛有 4至 8顆眼睛,所以不屬蜘蛛,小朋友聽得極為入神。 

行程中,小朋友在溪邊把腳浸到水中,感受溪水的透心涼,與大自然全接觸。 

Tony指今年春季乾旱少雨, 5月瀑布仍未有水,不過這樣可以讓小朋友體驗攀爬瀑布,家長也放手讓子女獨自嘗試,大家樂在其中。

Tony哥哥是隊長

從事親子自然教育, Tony對天要隨遇而安,對小朋友他堅持要有威信。「小朋友服從權威, Tony哥哥嘅角色就係一個領袖,我唔會見小朋友扭計就遷就,好似搞兩日一夜露營訓練時,有個小朋友不斷話要返屋企,但我堅持要第二朝活動完咗先走得。小朋友第一次扭計,第二次喊,第三次佢開始知道 Tony哥哥係佢嘅隊長,一見到我就會拖實我隻手,喺野外聽從我嘅指示。」
另外,小朋友對 Tony的信賴亦是活動順利的關鍵所在,「隊長會喺隊員嘅危急關頭伸出援手,有兩次行山,小朋友都因體力不支要我揹佢落山,一次喺濃霧又濕凍嘅馬鞍山,另一次喺破邊洲,揹完佢哋後,我哋就係患難之交。」


從黃宜洲白普理營乘船到黃石碼頭,一天旅程結束,小朋友都非常不捨 Tony哥哥。 

途中遇到不少昆蟲動物, Tony說:「有些市民可能因宗教理由將動物放生野外,但好似呢隻巴西龜根本唔係香港物種,佢適應唔到香港嘅生境,喺野外好快就會死。」 

Shirley與家人 客人我哋去過 Tony舉辦嘅活動幾次,小朋友明顯大膽咗,𠵱家會主動摸啲花草樹木,亦再唔會行兩步就話熱、發脾氣,去郊外活動係好好嘅鍛鍊,令小朋友成長咗唔少。

西貢孩子王


Tony會按季節來安排活動,春季會到西貢獅子會拾枯竹製竹笛。採訪當日,小朋友非常踴躍幫 Tony哥哥拎竹枝,果然是小朋友的隊長。 

今年 24歲的 Tony,在西貢長大,自小已通山跑;中學時,他受自然協會周兆祥等創辦人的文章薰陶,大學修讀地理,令他對自然生態愈來愈熱愛。「 13年大學畢業後,我做咗專影家庭照嘅攝影師,熟客問我有冇生態導賞,就啟發我做親子自然教育,後來同 playgroup老師合作搞活動,最後自己希望自然元素重啲就自立門戶,熟客不斷介紹新客畀我,就堅持到𠵱家。」
Tony最終將最熱愛的大自然化為事業,「自然教育要從小做起,家長身教亦相當重要,我想打破家長覺得郊野對兒童十分危險嘅觀念,解除佢哋怕小朋友危險、污糟、熱悶、蚊蟲及體累呢五憂,感受大自然嘅美好。」 Tony現時每月舉辦約 10個的親子自然教育活動,暑假前的所有活動名額已滿,每團家長連小朋友約有 20至 25人,每位收費約 150元,月入約$30,000。

後記:也有家長不怪獸

採訪當日,在遊土瓜坪及赤徑途中, Tony突然非常熱情和一個路經的家庭打招呼,原來是之前活動的參加者,「我最開心係出 trip時撞番之前嘅客人,佢哋帶小朋友去番我之前帶團嘅地方,證明我成功感染到一個家庭。」


Tony在家中和 8個小朋友一起製作竹笛,他先向小朋友講解竹笛的製作步驟,大家都聚精會神看示範。 

竹笛完成品, Tony會用竹笛吹自己寫的兒歌,和小朋友一齊唱《溪澗歌》。 

Charlotte(左) Nichloe(右)從未試過執竹枝同整竹笛,好新鮮,好好玩!

 

課程:生態旅遊證書課程
機構:香港生態旅遊專業培訓中心
費用:取得證書資格$8,000
時數: 90小時,約 3個月。
內容:課程分為理論與戶外考察兩部分,教授香港植物、地質、生物多樣性等生態知識,同時包括 6次戶外考察及一級山藝證書訓練,令學員能了解香港的生態環境及掌握實用的帶團技巧與處理危機。
查詢: 2116 1971

點入行?

雖然香港暫未有針對幼兒自然生態教育的課程修讀,但 Tony表示舉辦親子生態活動,最基本要擁有自然知識及保育生態的正確態度,「做生態教育唔係刨熟香港嘅自然資料就得,實戰係非常重要,要自己感受過大自然,先可以感染家長及小朋友。」如有興趣入行的人士,可選讀包含幾十小時戶外考察的生態導賞課程,完成課程後,可到坊間有提供導賞服務的機構,由活動導賞員做起。

晉升階梯

導賞員日薪$1,000至$1,200
(5年或以上經驗)

助理導賞員日薪$800至$1,000
(1年或以上經驗)

活動導賞員日薪$440至$600
(無需經驗)


撰文:杜曉婷
攝影:葉偉豪

    全站熱搜

    tvb4life 發表在 痞客邦 留言(0) 人氣()