Webber

讀書為做 You Tuber?

Ads by Google

小記喺大學時係讀傳理嘅,我地嗰個年代,讀親傳理都係想投身電視、電影、新聞行業。然而時移世易,小記有次同返大學教授食飯,先發現當下好多學弟學妹選讀傳理,最終目的並非入行打工,而係想做 YouTuber。今次受訪嘅 KisaBBB雖然唔係好 Top嘅 YouTuber,但就正正係讀緊新聞系。到底佢讀書係咪就係想做 YouTuber搵大錢呢?一齊睇下 KisaBBB點講!

Webber's info

KisaBBB 中文大學專業進修學院中文新聞系 Year.1
YouTube Channel: KisaBBB
Subscriber:約 12,859
總 Hit Rate:約 398,496
fb: Kisabbb(Likes:約 5,320)
IG: KISABBB(Followers:約 9,027)

傳理學思考  YouTube搵外快

KisaBBB自言是個很實際的金牛座,她不認為傳理會賺很多錢,甚至念完這課程,最終也不會投身傳媒行業。與其說她想法功利,不如說她思路清晰:讀傳理課程後開 YouTube Channel,一為賺點外快,二為賺名氣。「當初開 YouTube其實係想賺下外快,不用辛苦做 part-time。」然而,正式開始拍片後,她發現這條路原來不是這般輕易。「我又唔係好似薑檸樂嗰啲超紅 YouTuber有成幾十萬個 Subscribers,我得萬幾個 Subscribes,雖然都有分紅,但都唔多,得幾千蚊,仲要好唔穩定。所以我最終都係去返 Part-time算。」
Channel入面最熱門嘅〈【日常】 KisaBBB•極低質素 IQ題•笑到有腹肌〉,雖然比網民鬧佢抽高登水,但 KisaBBB話返比小記知,呢段片唔只得 7萬點擊,當中仲有比好多論壇、專頁瘋狂 Share,點擊應該有成廿幾萬。

YouTube新人 賺錢唔多賺人氣

那讀傳理對拍 YouTube有否幫助? KisaBBB卻坦言並沒有。「我𠵱家仲係第一年,讀嘅內容大部分都係理論,拍攝、剪接等技術反而是自己現學玩賣;傳理會要求精準的語法同修辭,但網民其實唔太鍾意 YouTuber講嘢太正經。」她認為念傳理最重要是學習拉闊整個人嘅思考角度, YouTuber雖然賺不到大錢,但一定有其他非實質收穫,比如人氣。「就好似𠵱家竟然有人訪問我一樣,仲會成日有人送禮物,都幾多著數。」連她的老師也認為,今次接受訪問對 KisaBBB將來升學很有幫助。「 YouTube令到我有更多機會接觸更多唔同嘅嘢,雖然可能背後要承受輿論,但我覺得我 OK。」
小記留意佢係因為〈【為食貓】 KisaBBB-世界第一臭食物*瑞典鯡魚罐頭〉,見到依家啲年青人咁夠膽死,真係佩服!

拍 YouTube都想求知音

小記訪問了很多 YouTuber,當問及他們為何喜歡拍片時,他們往往只答到「喜歡分享」,但從 KisaBBB口中,小記聽到更準確的答案。「因為我個人本身好鍾意搞笑,但奈何有時身邊啲朋友會唔知我笑乜。但喺 YouTube或者 FB、 IG上分享,我可以搵到同我一樣知道笑乜嘅人,嗰種感覺真係好開心!」雖然講到拍 YouTube好功利,但 KisaBBB還能在其中找到名利以外的成就感,但她坦言自己實際的性格,未必會選擇 YouTuber為日後的路。「我讀咗呢個 Course之後,都未必會想做返新聞,但又未諗到將來實質想從事啲乜。只係想有一份搵到錢嘅正職,然後再去做啲自己想做嘅嘢,例如拍下 YouTube都幾開心。」


KisaBBB都係宅女一名,閒時都鍾意 po打機片上網,雖然有網民話佢嘅 style似另一個女 YouTuber,但佢好大反應強調只係做自己,同埋佢冇拋胸囉! 

KisaBBB嘅男朋友都會一齊出下鏡,兩個人感情好好, KisaBBB話自己俾網民鬧嘅時候,好彩有樂天嘅男朋友化解,先冇唔開心! 

撰文:陳可兒
攝影:傅新發

    全站熱搜

    tvb4life 發表在 痞客邦 留言(0) 人氣()