晒囡囡相40歲嘅祖芭莉摩亞曾濫藥酗酒,後來洗心革面下嫁從事藝術買賣嘅 Will Kopelman,仲生咗兩個可愛囡囡。 

出外埠

Happy星級慈母

Ads by Google

母親節啱啱過咗,相信大家都同媽咪歡慶咗一個開心嘅周日。一班荷里活慈母都好 happy㗎,密密上載仔女、阿媽合照,將溫馨遍布整個網絡。

祖芭莉摩亞  Forward母愛

母親節,大家只會同媽媽度過,不過祖芭莉摩亞就專登探訪兒童醫院。嗰度病童嘅媽媽平日要照顧仔女,唔可以隨便離開醫院,祖芭莉於是現身「踩場」,將歡樂 forward出去。當然,唔少得同自己兩個囡囡晒溫馨啦。呢個媽咪,無得頂呀!



醫院過節母親節當日,祖芭莉為病童臉部彩繪、塗指甲油,𡃁得大人細路好開心。 

多謝奶奶可惜係,祖芭莉同媽媽 Jaid關係唔多好,佢冇向母親致敬,反而多謝奶奶,呢一點都好難得㗎!

謝茜嘉艾芭 囡囡手作

育有兩女嘅性感女神謝茜嘉艾芭,近年湊女為主,母女感情特別好,母親節順理成章收得特別多禮物,又杯又卡又相架,全部由囡囡自製,夠晒 sweet!

麥當娜 有仔女萬事足

麥當娜雖然係潮流教祖,但母親節梗係要跟足傳統同 4個仔女度過。佢不斷 upload仔女相,仲自稱係世上最幸運嘅媽咪,晒到媽咪姐都要戴番副超!


天后先晒大女、二仔昔日合照。 

再晒 4個仔女長大成人嘅相。亮點係同導演佳烈治所生嘅二仔 Rocco,大個咗又靚仔咗,碧咸啲囝囝有勁敵啦喂! 

 

 


有其母必有其女,睇下天后 Beyonce呢張相,一邊係佢同媽媽(左)一邊係佢同囡囡(右),甫士、表情都好相似! 

「荷里活小強」 Kim Kardashian平日行徑 cheap cheap,但呢一張三代同堂相,又幾 sweet嘅! 

唔係淨係女星咁感性,澳洲男星曉治積曼都 po同媽媽嘅合照。

    全站熱搜

    tvb4life 發表在 痞客邦 留言(0) 人氣()