靚抽王

Cap圖龍虎榜

Ads by Google

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 Cap圖龍虎榜啦!!

識 cap一定係 cap途人反應

由六號同肥媽一齊主持嘅節目《食平 3D》第三輯再喺大台播出。網民寸爆大台節目來來去去 3篤屁:「下集叫做《食平 DD》,跟住係《食平 3D》,再跟住呢?」不過大台一於少理,繼續翻 LOOP……近日有網民 cap到神圖,正當主持人六號盛讚肥媽明艷照人兼有氣質,唔單止肥媽露出難以置信嘅表情,連後面行過嘅路人 s都做出惡頂及「搞 X錯」表情。唉,希望大台寫對白嘅撰稿員下次真係要度一度先講呢啲,如果唔係,「唔怕肥媽笑都怕途人吠」啦!

驚艷的越南版《武則天》

睇大台《武則天》,睇到一眾女星心口幅布有啲躁?唔緊要,正所謂有得揀你先係老闆,家陣就俾多個選擇你揀,就係越南版!雖然呢套《武則天》得十分鐘,但係足以令你有意想不到嘅感覺。淨係睇啲造型,由男人飾演嘅武則天嗰種野性又帶點悲劇嘅崩潰感覺,加埋身邊嘅一眾如花,你會發現,有范冰冰版《武則天》睇,已經係一種幸福。


華哥進化史

《大時代》崛起以及劉青雲攞影帝,令大家重溫番劉青雲咁多年嘅成長蹤跡。另一邊廂,有人就重提另一男神任達華,話佢攝影又叻,又憑《歲月神偷》攞過最佳男主角,最緊要嘅係佢都一樣係咁顧家錫老婆……網民們列出佢多年照片,發現佢不單冇乜老到,仲愈嚟愈有男人味,華哥正式進化為華神!

    全站熱搜

    tvb4life 發表在 痞客邦 留言(0) 人氣()