樂園雖小,五臟俱全,夠晒位你同方丈們打四圈。 

靚抽王

歡迎光臨「香港釋迦牟尼樂園」

Ads by Google

高登巴打又有新搞作,今次唔係改歌詞咁嘢小,佢哋直頭設計咗一個仿效迪士尼嘅佛教專題樂園,拍埋短片,叫做「香港釋迦牟尼樂園」,仲利用佢哋嘅改圖技術連過幾關,設計出一系列扣人心弦嘅遊戲項目!

潮玩機動遊戲

佛門同科技嘅極端結合,將機動遊戲同佛教傳說、思想共冶一爐。先有「飛越五指山」,以過山車帶你喺佛祖五指山下逍遙遊;再以「輪迴咖啡杯」,以超高速嘅轉圈速度,等你喺入定狀態睇到六道輪迴眾生嘅貪嗔痴點樣延誤世人成佛之路。


佛園人物陪你敲經念佛

已經加盟嘅佛園人物全部都熟口熟面,相信都係剛剛先回頭是岸,遁入空門。當中以《投胎 Story》嘅孖寶釋迦光蓮、葫滴大師,小朋友最有親切感嘅米奇老衲, Donald僧,加埋近日 hit爆嘅《舍利奇緣》,一眾疑幻似真嘅角色,同你一齊敲經念佛,領悟佛家所講嘅諸法無常境界。



佛式慶典匯演

唔好以為佛門清淨地就一定好悶,你咁諗就錯晒!喺香港釋迦牟尼樂園,你可以參加「我不入地獄,誰入地獄」嘅「地藏王慶典」,到地獄一遊觀賞十八層地獄嘅眾生相,明白輪迴之苦;此外,樂園每晚八時都會有「佛都有火煙花匯演」,喺如來佛面前放煙花當裝香,驚見佛光初現,享受濃厚嘅 buddha california氣氛。

 

圖片來源:製作地雷

偽鱔稿

為大家推介各類惡搞產品

    全站熱搜

    tvb4life 發表在 痞客邦 留言(0) 人氣()