靚抽王

阿姐教我們的 N件事

Ads by Google

阿姐汪明荃同大台一樣,一向受觀眾及網民愛戴。近日, 68歲嘅佢先喺大台整套《華麗轉身》射個三分波,再喺網上俾人翻炒佢用奇妙滑音獻唱婦女版〈少女的祈禱〉,繼「丁蟹效應」後迅速成為一種阿姐現象。我哋作為後輩,真係要學大台節目《東張 X望》講番句:「我今日真係學咗好多嘢!」

1.打破音樂舊有標準

電台 DJ健吾早前喺網上唔覺意聽到阿姐獻唱嘅婦女版〈少女的祈禱〉,聲稱聽完醒神百倍。我娛文樂本來唔信,即刻上 YouTube回味,然後發覺聽完後個人開心咗(更加珍惜寧靜嘅環境及生命),精神好咗,對音樂、少女、祈禱呀呢啲概念又有一番新嘅領會!我夠膽講句,係得阿姐先可以打破高音甜中音準低音勁嘅音樂美學,達到音樂上神級嘅境界。

2.女王的新衣

網民除咗盛讚阿姐嘅演技同歌喉,亦以「國王的新衣」嚟形容阿姐。皆因阿姐身兼政協及大台老臣子嘅身份,身邊冇人敢指出佢嘅不足,令到阿姐以為自己真係好掂。網民認為,要呃自己呃到咁嘅地步,絕對唔易。

3.勇於嘗試不同角色

根據統計,阿姐近幾年喺大台拍劇,經常嘗試挑戰不同嘅角色,例如:
劇集名稱 阿姐飾演角色的人物性格
我的野蠻奶奶( 2005) 女強人
野蠻奶奶大戰戈師奶( 2008) 女強人
女王辦公室( 2010) 女強人
巴不得媽媽( 2012) 女強人
華麗轉身( 2015) 女強人


反話王

以反話普渡眾生,八盡天下娛樂事。

    全站熱搜

    tvb4life 發表在 痞客邦 留言(0) 人氣()