Mandy作為新歡,洗米華不時都會抽空跟她外遊。 

娛樂講呢啲

生得逢時

Ads by Google

英國皇室添了小公主,真係恭喜晒……無錯,已經唔再關我哋香港人事了,但看見那個美麗優雅的家庭,一度和我們這麼貼近,真叫人好生懷念。
生仔,不論皇室還是平民,說到底也是開心事。

 

生仔只要生得逢時,分分鐘有意義又有價值。看近期熱爆的洗米嫂,與小三 Mandy招來招往鬥到難分難解之際,一個唔該竟計劃在五月底提早生 B,令個仔同阿老竇同月同日生,咁都得,真叫一眾花生友拍爛手掌。這個相傳是洗米華的意思,但都要洗米嫂有本事配合才能成事,生仔生到同老公個生日一樣,真替洗米嫂高興。男人出面有幾多小三四五六七都好,自己個仔生日,斷估唔會唔理;若然自己亦是同日生日,大條道理一齊慶祝。最好同小朋友由朝玩到晚,大人再加消夜直落,那正印就可以名正言順霸住老公成日,唔使擔心佢走咗去。平時鋪幾多飲食旅遊相都冇用,重要日子把老公留在身邊,才是真正的宣示主權。小三即使再得寵、言行即使再高調,極其量也只不過是同個男人「預祝」或「補祝」生日,名不正言不順,層次差好遠。
老婆要扭盡六壬去「名正言順霸住老公」,聽落真係幾諷刺,但冇計,小三來勢洶洶,非常時期要用非常手段,即使霸唔晒老公個心,霸到個身都好。這世界有子未為輸,正印只要沉得住氣,其實贏面甚大。當然,若然小三假以時日又生得出,咁又另計,惟有見招拆招,到時再算。


當日 Mandy甘願做人肉梳化,目的都只是想霸住洗米華。 

每逢 Mandy有任何動作,洗米嫂 Heidi都會相應出招去還擊。 

洗米華與家人到日本旅行時,竟然化身人肉梳化讓 Heidi坐。

 


徐子淇第四度有喜,未知今次會否是最後一胎呢? 

甚麼時候生仔、怎樣生法、生男定生女、生幾多個先夠等等,真是一門學問。正印鬥小三固然要知己知彼,就算是豪門新抱,也得努力鑽研。最近徐子淇又傳第四度有喜了,有傳媒也真抵死,說她是「小休」了三年,現在又再「開工」。千億新抱的「工作」是甚麼,不解釋,你懂的。一如徐子淇前度洪天明說,生得出,又養得起,值得恭喜嘅。只是這份工既有「開工」和「小休」,不知何時才是「榮休」的一天呢?


撰文:林蕾

    全站熱搜

    tvb4life 發表在 痞客邦 留言(0) 人氣()