me.jpg


Cherie Chung粉紅色碎花恤衫$2,500白色併彩藍色圖案背心$4,400黑色貼身皮褲( showpiece)炭黑色猄皮短靴$4,200all ZADIG& VOLTAIRE from I.T

cover face

鍾楚紅 減肥是 bonus

Ads by Google

在鍾楚紅眼中,任何時間也可以是旅行黃金期。
六月冰島的北極光、十月希臘的愛琴海,仲有全年都適合的法國等等;拍攝前一天,鍾楚紅剛從京都回港,心情勁靚。
「我本來想帶妹妹到京都賞櫻花,但早咗三星期到,變咗睇梅花。」
為何不等多三星期呢?「我夾啱時間,冇工作在身,就會想出門。」
鍾楚紅說她久不久便一個人旅行,一個人,一個喼,一段旅程,一種心情,無牽無掛的愜意。
「我係屬於悠閒族,去旅行唔會將行程排得密麻麻,但我係早起派!
我好享受早餐時光!」或者只是筆者我常在旅行時放肆,賴床 skip早餐是經常發生吧!或者我應珍惜旅程上嘅日光時間,學習做一個標準旅者。


Profile
 

Cherie Chung
出生日期: 1960年 2月 16日(水瓶座)
出生地:香港
簡歷: 79年,參選港姐得第四名。 80年,開始拍戲,分別於 84及 87年,憑《男與女》及《秋天的童話》奪亞太影展最佳女主角獎。 91年,跟著名廣告人朱家鼎結婚繼而息影。 07年,丈夫去世。 08年,重返幕前,現以拍廣告、慈善為主。
主要作品:《碧血寒山奪命金》( 80),《胡越的故事》( 81),《男與女》、《奇謀妙計五福星》、《花心大少》( 83),《英倫琵琶》( 84),《刀馬旦》( 86),《秋天的童話》( 87),《流金歲月》、《月亮、星星、太陽》( 88),《伴我闖天涯》( 89),《縱橫四海》( 91)。
微博: http://weibo.com/u/2807129234 


91年當年《縱橫四海》與哥哥的經典戲份,仍然深深烙在戲迷腦海中。 

15年鍾楚紅圈中儲落不少知己好友,跟發哥吃飯,連唔興 selfie嘅紅姑,亦玩埋一份。《微博》圖片 

15年旅行也分很多層次,每次工作出埠,她也會把握時間到處走走,來到台灣,當然要到誠品打吓書釘。《蘋果日報》圖片


難忘 Cultural Shock
 


Cherie Chung白色珠片上衣$4,000 ZADIG& VOLTAIRE from I.T銀色金屬手鈪 both stylist's own 

鍾楚紅選擇避走櫻花當旺季節,雖然沒有漫天花海,但她說雨紛紛嘅京都之旅雖然有點冷,廟宇旁長出一棵棵粉紅色梅花,格外有詩意。「在臨近櫻花季節,其實本地人也會去湊熱鬧,我喜歡感受當地人生活細節。」
有甚麼地方你好想去而又未有機會去呢?「在印度的 Mother Teresa of Calcutta Centre!我知我遲早會去!本來計劃上年去,但最後擱置了。」
為何這個地方吸引你?「因為德蘭修女是我最敬仰的人;而且我好鍾意旅行時接受 cultural shock嘅感覺,很多事物跟我哋生存嘅世界好唔同,即使是眼簾外嘅一口空氣,也會令你有深刻嘅感受。加上我對印度建築好有興趣,例如 Taj Mahal(印度泰姬瑪哈陵古蹟),單是草坪與高山已迷倒我。」
A tourist or a traveller?我相信鍾楚紅屬後者。


我唔興 selfie
 

日本+京都+梅花盛放=充斥着港人。有否被港人野生捕獲?「哈哈!我行得好快!」港人好喜歡行山捕獲發哥你一定知道吧!「我唔興 selfie,你想 tag我都冇得你 tag,我冇 facebook!」鍾楚紅對 facebook沒有偏見,只是不是她杯茶。那她覺得依家人與人溝通,是否比以前疏離?
「我冇 facebook,只是因為我有太多資訊可以吸收,還有,如果網絡上遇上一些不好受嘅回應,其實也不應太在意,你 post俾人睇就有俾人批評嘅機會,是一個代價。」鍾楚紅好姊妹多的是,關係豈只在微博上給一個 like能表達那份深厚情誼,像她今年生日,生日飯吃了七、八回,她說有些飯局還正在等齊腳。幸福女人,最容易從臉上笑容看得一二,樂天知命的鍾楚紅,就是活在愛中的女人。


女人要有目標
 

要做幸福女人殊不簡單,家庭與事業都要兼顧妥貼。鍾楚紅說自己和家人關係緊密,工作上幫她打點一切嘅朋友和工作夥伴亦很多,貴人多可算幫她擋了不少煩惱,活到這個年紀,很多決定都不需跟任何人交代吧!
「女人要有自己目標,唔應該覺得做女人苦,工作上每個人野心同心態可以很不同。」
你對現在女星為了上鏡瘦啲,不停想盡方法減肥有甚麼睇法?「其實不停想着減磅係一個社會病態,外國很多女歌手如 Adele都係肉地型,但大眾唔會只留意佢嘅體重,歌手身份很清晰。」
你也有緊張自己磅數的時候嗎?「哈哈,我都減唔到肥嘅!我做運動只係為 feel good,減肥是 bonus,記得以前少做運動,踎低起身見頭暈,但依家我 head stand都得。知道自己身體狀態改善,其實好開心。」女為悅己者容,鍾楚紅冇否認,但自己健康最重要,咁懂得跟自己打交道嘅女人,抵佢靚足一世!



後記
 

「女人,有目標最緊要!」這句話仿如植入我腦袋,令我銘記於心。訪問結尾,我問鍾楚紅,「此刻嘅你,又有甚麼目標?」
……四秒停頓,「冇!」
「冇我就呃你嘅!目標點可以同你講啊!做唔到咪好瘀!」
其實我這一問也是多此一問,鍾楚紅從來係有腳嘅雀仔,飛吓停吓,着陸在不同地方,而香港始終是她最愛的家。不需宏大目標,活在當下就是鍾楚紅座右銘。


Cherie Chung黑白色冷織流蘇圍巾$3,400銀色針織背心$1,950黑色緄白邊長褲$2,600all ZADIG& VOLTAIRE from I.T 

Cherie Chung灰啡色蛇紋西裝褸$6,800黑色連身長裙$6,800both ZADIG& VOLTAIRE白色戒指$3,999 Maison Margielaall from I.T古銅色金屬長頸鏈 stylist's own 


Shop List
 

I.T
銅鑼灣希慎道 1號 2890 7012

Maison Margiela
中環雪廠街 10號地下 2869 7707

ZADIG& VOLTAIRE
金鐘太古廣場 249號鋪 2918 9522


撰文: Nata Ngai
形象: Annie Hung
攝影: Kaon@R Workshop 
化妝:淑貞
髮型: Sev Tsang@Hair Couture
鳴謝: I.T

    全站熱搜

    tvb4life 發表在 痞客邦 留言(0) 人氣()