黃榕壞女孩上身

資深o靚模黃榕姨姨向來戀事多,最出名嗰單當然係自爆同「雜食王」陳冠希拍拖啦!雖然明知靚仔冇本心,但係榕姨一於好少理,難怪佢又再受情傷。最近嗰次嘅男主角,就係TVB嘅大隻仔藝員魏焌皓,同樣係一位「集郵王子」。當時被飛嘅榕姨就嬲到爆,仲喺傳媒面前狂鬧男方:「估唔到佢咁花心,仲賤過Edison(陳冠希)!」

Ads by Google

榕姨雖然情路坎坷,但就屢敗屢戰。呢日東姑喺中環見到着得火辣辣嘅佢,又出動中環獵仔。而為咗表明來意,今次榕姨帶咗個印有「Bad Girl」字樣嘅手袋,話畀大家知佢壞女孩上身,咁試問啲賤男點會唔畀佢吸晒埋身呀?

黃榕落中環蒲,着到咁性感明顯係獵仔,加埋呢個表明佢係「Bad Girl」嘅手袋,點會冇男仔埋身呀?希望今次唔係賤男喇!

喺感情路上,黃榕雖然不停被靚仔刺傷,但屢敗屢戰嘅體育精神令東姑佩服!

    全站熱搜

    tvb4life 發表在 痞客邦 留言(0) 人氣()